Búgin Almaty qalasynyń Óńirlik komýnıkasıalar qyzmetiniń alańynda aǵymdaǵy jylǵy Ekonomıkalyq tergeý departamenti jumysynyń nátıjeleri aıtyldy. Baspasóz konferensıasynda vedomstvonyń basym mindetteriniń biri kóleńkeli ekonomıkaǵa, onyń ishinde sıfrlyq aktıvterdiń zańsyz aınalymyna qarsy kúres ekenin atap ótti.
Almaty qalasy boıynsha Ekonomıkalyq tergeý departamentiniń basshysy Danıar Aqjanovtyń aıtýynsha, jyl basynan beri Almatyda 111 ekonomıkalyq qylmys tirkelgen, onyń 79-y sotqa jiberilgen, dep habarlaıdy aqshamnews.kz..
Aýyr qylmystar boıynsha 68 jaǵdaı tirkeldi. Tergeý nátıjesinde memleketke múlikke tyıym salý nátıjesinde alynǵan qarajatty qosa alǵanda, 47,7 mlrd teńge qaıtaryldy.
«Aqshany jylystatý jáne zańsyz áreketterdi qarjylandyrý úshin jıi qoldanylatyn sıfrlyq aktıvterdiń zańsyz aınalymymen kúresýge basa nazar aýdarylady. 2023 jylǵy 6 aqpanda kúshine engen «QR - daǵy Sıfrlyq aktıvter týraly» jańa Zańǵa sáıkes Qazaqstan aýmaǵynda «Astana» halyqaralyq qarjy ortalyǵynyń aýmaǵyn qospaǵanda, qamtamasyz etilmegen sıfrlyq aktıvterdi shyǵarýǵa jáne aınalymǵa tyıym salynytynyn, - aıtty D.Aqjanov.
Qazirgi ýaqytta AHQO-da qamtamasyz etilmegen sıfrlyq aktıvterdiń aınalymy AHQO qarjy qyzmetterin retteý komıteti lısenzıalaǵan sýbektilerdiń alańdarynda ruqsat etilgen. Komıtet qamtamasyz etilmegen sıfrlyq aktıvteri bar lısenzıalanatyn qyzmet túrleri sheńberinde qarjy qyzmetterin kórsetetin sýbektilerdiń, Binance, ByBit, Huobi, KuCoin jáne basqa da krıpto-bırjalardyń retteýshisi bolyp tabylady.
«Eń aldymen, krıptovalúta tranzaksıalardyń qaýipsizdigi men anonımdiligin qamtamasyz etý úshin paıdalanylatynyn túsiný kerek. Ony EDB-degi kez kelgen valútalyq shot arqyly erkin aıyrbastaýǵa, taýarlar men qyzmetterdi satyp alýǵa jáne qolma-qol aqshaǵa aınaldyrýǵa bolady. Ol qoldanýshylar arasynda barǵan saıyn tanymal bola túsýde, sonymen qatar qylmyskerlerdiń nazaryn aýdarady, óıtkeni ony aqshany jylystatý, terorızmdi jáne basqa da qylmystardy qarjylandyrý sıaqty zańsyz maqsattarda paıdalanýǵa bolady», - dedi D.Aqjanov.
ÓKQ spıkeri qazirgi ýaqytta krıptovalúta kóleńkeli onlaın-naryqtarda belsendi qoldanylatynyn atap ótti. Osy salalarda qoldanylatyn bıtkoınder men krıptovalútalardyń basqa túrleri is júzinde álemniń eshbir jerinde naqty zańdy jikteýi joq.
Qazirgi ýaqytta Departament 58,5 mln AQSH dollarynan astam somaǵa sıfrlyq aktıvterdi aıyrbastaý jónindegi zańsyz qyzmetke baılanysty alty qylmystyq isti tergep jatyr. Aldyn alý maqsatynda «Kıbernadzor» júıesi arqyly osyndaı qyzmetpen aınalysatyn 134 ınternet-resýrs buǵattaldy. Sondaı-aq, krıptovalútany zańsyz paıdalaný jaǵdaılaryn belsendi túrde zertteıtin sıfrlyq aktıvter salasyndaǵy quqyq buzýshylyqtarmen kúresý úshin arnaıy «Krıpton» bólimshesi quryldy.