Bul - bıyl tirkelgen alǵashqy jaǵdaı
Almatylyq dárigerler 11 jasar qyzǵa shuǵyl operasıa jasap, asqazanynan bir keli shash alyp shyqty, dep habarlaıdy Almaty-akshamy.kz Qazaqstan.tv-ge silteme jasap.
Jetkinshektiń ishi aýyryp, bir apta boıy qusyp, tábeti bolmaǵan soń, medısınalyq kómekke júgingen. Tekserý kezinde, as qorytý júıesinen bógde zat anyqtalyp, «asqazannyń trıhobezoary» degen dıagnoz qoıylǵan.
Dárigerler naýqasqa operasıa jasap, uzyndyǵy 16 sm, salmaǵy bir kelige jetetin shash pen júnnen jınalǵan zatty alyp tastaǵan. Qalalyq «Balalar shuǵyl medısınalyq kómek kórsetý ortalyǵynyń» málimetinshe, mundaı jaǵdaı sırek kezdesedi. Bul - bıyl tirkelgen alǵashqy jaǵdaı.
«Negizi jyldap paıda bolady ǵoı. Aılap. Bir kúnde, bir aptada paıda bolmaıdy. Balada jaǵymsyz ádetter bolǵan ǵoı. Shashyn tistep, shaınap juta bergen ǵoı. Úıine osy aptanyń aıaǵynda shyǵaramyz», - deıdi Balalar shuǵyl medısınalyq járdem ortalyǵynyń bólim meńgerýshisi Samatbek Ábdimanapuly.