2023 jyldyń qyrkúıeginen bastap Qazaqstanda, sonyń ishinde Almatyda jatyr moıny obyrynyń aldyn alý úshin adam papılloma vırýsyna (HPV) qarsy 11 jastaǵy qyzdarǵa vaksınasıa júrgizilýde.
Almaty qalasynyń Sanıtarlyq-epıdemıologıalyq baqylaý departamentiniń basshysy Qasymhan Alpysbaıuly Óńirlik komýnıkasıalar qyzmetiniń alańynda habarlaǵandaı, 2024 jylǵy 4 qarashadaǵy jaǵdaı boıynsha qalada 11 jastaǵy 1724 qyz vaksınasıalandy, al qosymsha ımmýndaý sheńberinde 12 jáne 13 jastaǵy 2340 qyz vaksınasıa aldy, dep habarlaıdy aqshamnews.kz.
Departamenttiń habarlaýynsha, naýqan tıisti jastaǵy barlyq qyzdardy qamtı otyryp jalǵasady.
«Vaksınasıany Almaty mektepterindegi kóshpeli medısınalyq brıgadalar júrgizedi, olar 41 medısınalyq uıymǵa bekitilgen jáne 251 memlekettik jáne jekemenshik mektepti qamtıdy. HPV-ge qarsy vaksınasıa Úkimettiń 2024 jylǵy aqpanda qabyldanǵan qaýlysyna sáıkes tegin medısınalyq kómektiń kepildendirilgen kólemine engizilgen. Baǵdarlama DDU, IýNISEF jáne QR Densaýlyq saqtaý mınıstrliginiń qoldaýymen respýblıkalyq búdjet qarajatyna iske asyrylýda», - dep bólisti Q. Alpysbaıuly.
Sonymen qatar, vaksınasıanyń mańyzdylyǵy týraly halyqtyń habardarlyǵyn arttyrý úshin kópsalaly jumys toby quryldy. Onyń sheńberinde BAQ aldyna shyǵyp sóz sóıleý úshin spıkerler daıyndaldy, sondaı-aq medısına jáne bilim berý qyzmetkerlerine arnalǵan oqytý semınarlary ázirlendi jáne ótkizildi.
2024 jyldyń mamyr jáne maýsym aılarynda Almatyda mektep medısına qyzmetkerlerine arnalǵan qalalyq semınarlar men vebınarlar, sondaı-aq DDU men ulttyq radıasıalyq medısına ortalyǵynyń sarapshylarynyń qatysýymen mamandandyrylǵan konferensıa ótti. Naýqan bastalǵannan beri 2894 medısına qyzmetkeriniń qatysýymen 148 dóńgelek ústel men konsýltasıalar, dinı qaýymdastyqtarmen 43 kezdesý, dárigerler men orta medısınalyq qyzmetkerlerge arnalǵan 223 semınar jáne muǵalimderge arnalǵan 341 trenıń ótkizildi.
Atap ótilgendeı, ata-analar komıtetterimen kezdesýlerden keıin 7111 ata-anany habardar etý múmkin boldy, al 11 jastaǵy balalardyń qatysýymen ótkizilgen synyp saǵattary 6500-den astam ata-anany qamtydy.
Qorytyndylaı kele, Departament 11-13 jas aralyǵyndaǵy qyzdar arasynda HPV vaksınasıasynyń mańyzdylyǵy týraly halyqty aqparattandyrý jumystary jalǵasyp jatqanyn atap ótti.