Qazaqstanda asfáltty sýyq aýa raıynda tóseıdi: jańa tehnologıa synaqtan ótýde
Bul jańa tehnologıa respýblıkandyq mańyzy bar joldarda synaqtan ótýde, dep habarlaıdy aqshamnews.kz QR Indýstrıa jáne ınfraqurylymdyq damý mınıstrligine silteme jasap.
Jańa «jyly asfált» tehnologıasy jol jumysshylaryna asfáltbeton qospasyn tóseý kezinde temperatýra talaptaryna ózgerister engizilip, erkindik berile bastady. Buryn asfált qospasyn tóseý úshin onyń temperatýrasy 125–130 gradýs aralyǵynda, al aýa temperatýrasy keminde +5°C bolýy kerek edi. Endi ǵalymdar 90°C temperatýrada qospa ázirleýge jáne aýa temperatýrasy −10°C-ke deıin tómendegende de asfált tóseýge múmkindik beretin arnaıy qospa ázirledi.
Bul sheshim ásirese respýblıkanyń soltústik aımaqtary úshin mańyzdy, óıtkeni onda qurylys maýsymy 3–4 aı ǵana júrgiziledi. Jańa tehnologıa asfálttyń beriktigin arttyryp, asfált óndirýge jumsalatyn energıa shyǵyndaryn azaıtýǵa jáne qorshaǵan ortaǵa áserin tómendetýge kómektesedi.
Qazirgi ýaqytta «jyly asfált» tehnologıasy Almaty oblysyndaǵy respýblıkalyq mańyzy bar Kúrti — Burylbaıtal jolynda synaqtan ótýde.
Bul bastama Qazaqstandaǵy ınfraqurylymdyq máselelerdi sheshýge baǵyttalǵan birneshe jobanyń biri bolyp tabylady. Sońǵy ýaqytta áleýmettik jelilerde «Jolsyz el — salyqsyz el» atty chellendj aıasynda jergilikti turǵyndar óz aımaqtaryndaǵy joldardyń jaǵdaıy týraly kóptep aqparat jibergen. Buǵan deıin Qasym-Jomart Toqaev ınfraqurylym máseleleriniń sheshilmeýine negizgi sebepterdiń biri retinde sybaılas jemqorlyqty ataǵan bolatyn.