Almatydaǵy syrtqy jaryqtandyrý úlesi 2024 jyly 85%-ǵa deıin jetkizilip, 2025 jyly 100%-ǵa jetedi. Bul týraly Almaty ákimi Erbolat Dosaev Bostandyq aýdany turǵyndarynyń suraǵyna jaýap berý kezinde aıtty, dep habarlaıdy aqshamnews.kz.
«Ár aýdan boıynsha jaryqtandyrylmaǵan kóshe bar. Bizde sol kóshelerdi jaryqtandyrýǵa arnalǵan baǵdarlama bar. Bostandyq aýdanynda mundaı 54 kóshe bar. Bul másele «Halyq qatysatyn búdjet» baǵdarlamasy nemese tikeleı qarjylandyrý arqyly sheshiledi. Sonymen qatar, «Almaty qala jaryq» qyzmetiniń tıimdiligin arttyrý boıynsha sharalar qabyldandy. Turǵyndardyń ótinishi eskerildi. Kósheler men aýlalardy jaryqtandyrýǵa bólingen qarajat aýdandarǵa bólindi, - dep qala ákimi jaǵdaıdyń aıtarlyqtaı jaqsarǵanyn, biraq áli de jetildirý qajet ekenin atady.
Erbolat Dosaevtyń aıtýynsha, syrtqy jaryqtandyrý máselesimen qosa, saıabaqtardy jaryqtandyrý, ǵımarattar men qurylystardy sáýlettik jaryqtandyrý jaıy da sheshilip keledi.
Bostandyq aýdanynda bıyl jyl basynan beri 1 846 sham aýystyrylǵan. Bıyl kúzde taǵy 267 tirek pen sham aýystyryldy. Osy kúzde shamdary bar taǵy 267 tirek ornatylady. Sonymen qatar, 2024 jyldyń sońyna deıin 9 eskertkishke túngi jaryqtandyrý ornatý josparlanǵan.