Qazaqstanda búginde 100 jastaǵy jáne odan asqan 448 azamat tirkelgen.
Olardyń eń kóbi — elimizdiń eń iri megapolısi Almaty qalasynda turady. Munda 100 jáne odan joǵary jastaǵy 58 adam bar, - dep habarlaıdy Aqshamnews.kz.
Uzaq ómir súretinderdiń sany boıynsha ekinshi orynda — Túrkistan oblysy (53 adam), al úshinshi orynda — Almaty oblysy (37 adam) tur.
Eń jasy úlken qazaqstandyq — Ulytaý oblysynyń turǵyny, ol jýyrda 115 jasqa tolǵan týǵan kúnin atap ótti.
Uzaq ómir súrýshiler úshtigine sondaı-aq Pavlodar oblysynda turatyn 113 jastaǵy, jáne Jambyl oblysyndaǵy 110 jastaǵy azamattar kiredi.
Eske sala keteıik, jyl saıyn 1 qazanda Qazaqstanda jáne álemniń kóptegen elderinde Halyqaralyq qarttar kúni atap ótiledi. Bul kún Birikken Ulttar Uıymynyń Bas Assambleıasy 1990 jyly 14 jeltoqsanda jarıalaǵan.
Merekeniń maqsaty – egde jastaǵy adamdardyń memleket pen qoǵam damýyna qosqan úlesin qurmetteý, olardyń máseleleri men qajettilikterine nazar aýdarý, ómir súrý sapasyn jaqsartý jáne qarttarǵa jan-jaqty qamqorlyq kórsetý.