Qazir qalada mektepterdegi oryn tapshylyǵyn azaıtý sharalary jalǵasýda.
Bul týraly Óńirlik komýnıkasıalar qyzmetiniń brıfıńinde Almaty qalalyq bilim basqarmasy basshysynyń orynbasary Aıdyn Saılaýbaı málimdedi.
Vedomstvo ókili atap ótkendeı, qazir qalada mektepterdegi oryn tapshylyǵyn azaıtý sharalary jalǵasýda. Búginde ol 19 611 oryndy quraıdy.
«Aǵymdaǵy jyldyń 1 qyrkúıeginde "Qalqaman", "Saıaly" jáne "Tomırıs" shaǵynaýdandarynda 5100 oryndyq 3 jańa mektep jáne №№191, 146, 125 mektepterde 875 oryndyq qosalqy ǵımarattar ashylady», - dedi A. Saılaýbaı.
Qaladaǵy jalǵyz úsh aýysymdy №196 mekteptiń máselesi oqý jylynyń basynda «Mádenıet» shaǵynaýdanynda jobalyq qýaty 1500 oqýshyǵa eseptelgen jańa mekteptiń ashylýymen sheshimin tappaq.
2022 jyldyń sońyna deıin 6000 oryndyq taǵy 4 mektepti ("Qalqaman-2", "Qaırat", "Darhan", "Nurkent" shaǵynaýdandarynda) paıdalanýǵa berý josparlanýda. Sondaı-aq №48 jáne 9 mektepterdiń qosalqy ǵımarattary paıdalanýǵa berilmek.
Qala ákimdigi 1 800 oryndyq mektepterdi ornalastyrý úshin eki ǵımarat satyp alady (Bostandyq jáne Naýryzbaı aýdandarynda).
Sonymen qatar, oqý jylynyń basynda jeke ınvestısıalar esebinen 3250 oryndyq 6 mektep (Áýezov aýdanynda - 280 oryndyq «Dostyq» mektebi, Medeý aýdanynda - 200 oryndyq «Výnder akademıa» mektebi, Naýryzbaı aýdanynda - 590 oryndyq «Zaman» mektebi, Túrksib aýdanynda - 400 oryndyq Millennium mektebi ashylady, qalǵan 2 mektep osy jyldyń sońyna deıin ashylady).
15 qalalyq mekteptiń «Mektep sport alańdaryn modernızasıalaý» jobasyn iske asyrýǵa jergilikti búdjetten 1 mlrd teńge bólindi, jumysty oqý jyly bastalǵanǵa deıin aıaqtaý josparlanýda.