İri mólsherdegi shetel valútasy joıyldy
QR Qarjylyq monıtorıń agenttigi Almaty qalasy boıynsha aýmaqtyq departamentiniń qyzmetkerleri Almatyda asa iri mólsherde jalǵan shetel valútasyn joıdy, dep habarlaıdy Almaty-akshamy.kz QazAqparat saıtyna silteme jasap.
Agenttiktiń baspasóz qyzmetinde málimdegendeı, shetel valútasy 2020 jyldyń sońynda jedel izdestirý is-sharalary barysynda anyqtalǵan. Jedel izdestirý sharasy barysynda qala turǵyny T.Qalıev 293 myń AQSH dollary somasynda jalǵan kýpúralardy ótkizý kezinde ustalǵan.
«Tergeý málimetine sáıkes, T.Qalıev 2020 jyldyń qyrkúıekten qarasha aıyna deıin nomınaly 100 AQSH dollary bolatyn jalǵan shetel valútasyn birneshe ret satqan. Tintý nátıjesinde zańsyz aınalymnan 975 myńnan astam jalǵan dollar tárkilendi. Sot úkimimen T. Qalıevke 6 jylǵa bas bostandyǵynan aıyrý jazasy taǵaıyndaldy», - dep málimdedi QR Qarjylyq monıtorıń agenttigi Almaty qalasy boıynsha aýmaqtyq departamentiniń baspasóz qyzmetinde.