Ońtústik Koreıa Qazaqstanmen «aqyldy» fermalar salý tájirıbesimen bólisýge nıetti
Bul týraly «Koreıa - Ortalyq Azıa» Dostyq qaýymdastyǵynyń úshinshi otyrysynda belgili boldy, dep habarlaıdy Almaty-akshamy.kz
Onlaın-forým aýyl sharýashylyǵy salasyn jan-jaqty damytýǵa arnalǵan. Onda Qazaqstan, Koreıa, Qyrǵyzstan, Tájikstan jáne Túrikmenstan ókilderi sóz sóılep, pikirlerin ortaǵa saldy.
Profesor Lı En Bomnyń aıtýynsha, Koreıa provınsıalarynda jumys kúshi jetispeıdi, al bizdiń respýblıkamyzda adamı resýrs pen keń-baıtaq aýmaq jetkilikti.
«Koreıanyń aýyl sharýashylyǵynda jumys jasaıtyndardyń 45%-y - 60 jastan asqan adamdar. Eýropada da dál sondaı jaǵdaı. Jastar aýyl sharýashylyǵy salasynda jumys istegisi kelmeıdi. Ortalyq Azıada jastar kóp. Olardy «aqyldy» fermalarda jumys isteýge tartýǵa bolady. Olar jańa tehnologıalarmen jáne úlken derektermen tanysady. Bul Ortalyq Azıadaǵy «aqyldy» fermalardy damytýǵa kómektesedi», - dedi Seýl qalalyq ýnıversıtetiniń profesory Lı En Bom.