Qazaqstanǵa tıesili joldyń uzyndyǵy 134 shaqyrym bolady.
Investısıalardyń jalpy kólemi shamamen 75 mıllıard teńge bolady dep boljanǵan, dep habarlaıdy Almaty-akshamy.kz
Indýstrıa jáne ınfraqurylymdyq damý mınıstrliginiń Avtomobıl joldary komıteti Almatydan Ystyqkólge tikeleı jol salý jobasy týraly egjeı-tegjeıli aıtyp berdi.
«Qyrǵyzstan Respýblıkasy Ystyqkólden Almaty qalasyna tikeleı jol salý máselesin kóterip otyr. Búginde qyrǵyz tarapynyń usynysy boıynsha uzyndyǵy 280 shaqyrym bolatyn Almaty-Uzynaǵash-Qastek-Mıhaılovka-SHolpan Ata baǵyty qarastyrylyp jatyr», - dedi Komıtet ókilderi.
Bul rette, IIDM Avtomobıl joldary komıtetiniń málimeti boıynsha, qazaqstandyq bóliktiń uzyndyǵy 134 shaqyrym bolady dep boljanǵan. Sondaı-aq, mınıstrlik Qazaqstan tarapyndaǵy jumys kólemin de túsindirdi:
Almaty-Uzynaǵash - 45 shaqyrym, jol jaǵdaıy jaqsy.
Uzynaǵash-Qastek - 42 shaqyrym, jóndeý jumystaryn qajet etedi.
Qastek-Mıhaılovka - QR shekarasy - 47 shaqyrym, jańa qurylys.
Baqylaý-ótkizý pýnktin salý qajet.
Qyrǵyzstan bóligindegi joldyń uzyndyǵy 146 shaqyrym bolady: bul rette Kemın qalasynan Sholpan Ataǵa deıingi 145 shaqyrym jol salynyp bitken, joldyń jaǵdaıy jaqsy. Qyrǵyz tarapyna tek Qazaqstan Respýblıkasynyń shekarasynan Kemın qalasyna deıin jol salý kerek, bul joldyń bir shaqyrymy.
Investısıalardyń jalpy kólemi shamamen 75 mıllıard teńge bolady dep boljanǵan.
Komıtet Almaty-Otar-Qordaı-Bishkek-SHolpan Ata baǵyty boıynsha qoldanystaǵy joldyń jaǵdaıy jaqsy ekenin atap ótti. Bul baǵyttyń uzyndyǵy 485 shaqyrym bolady.