Almatyda jas pedagogtarǵa arnalǵan «Almaty Ustazy» baıqaýy aıaqtaldy. Almaty ákimi Erbolat Dosaev Muǵalimder kúnin toılaýǵa oraılastyrylǵan mereke kezinde Sıngapýrda oqý tájirıbesinen ótýge sertıfıkattarmen marapattady.
Shetelge №159, 168, 202, 206, 24 mektep muǵalimderinen 5 fınalıst baratyn boldy. Sıngapýrda muǵalimder jetekshi mektepterdiń jumysymen tanysyp, sheteldik oqý oryndarymen tájirıbe almasady. Bas júlde ıegeri № 159 mektep-gımnazıasynyń qazaq tili men ádebıeti pániniń muǵalimi Saltanat Anapıaeva 5 mln teńge kóleminde aqshalaı syılyqqa ıe boldy.
Baıqaýǵa qatysýshylar úshin qala ákiminiń jasampazdyq pen shyǵarmashylyq úshin arnaıy syılyǵy qarastyrylǵan. Ony №105, 94 mektep-gımnazıasy men №134 mektep-lıseıinen úsh qatysýshy aldy.
«Almaty Ustazy» baıqaýy 2023 jyldyń 1 sáýirinde bastalyp, úsh kezeńde ótti. Oǵan 2,5 myńnan astam adam qatysty.