Sońǵy ret Almatydaǵy nysandardy pasporttaý 2017 jáne 2018 jyldary júrgizilgen.
QR Premer-Mınıstri Álıhan Smaıylov Almatyǵa jumys sapary barysynda qalanyń áleýmettik-ekonomıkalyq damýy máseleleri boıynsha keńes ótkizdi, dep habarlaıdy Almaty-akshamy.kz Úkimettiń telegram kanalyna silteme jasap.
Jıyn barysynda Úkimet basshysy seısmıkalyq qaýipsizdik máselelerine erekshe nazar aýdardy. Onyń aıtýynsha, Túrkıa men Sırıada bolǵan tabıǵı apattar bizdiń elimiz úshin, ásirese Almaty úshin úlken sabaq bolýy tıis.
Ol sońǵy ret qaladaǵy nysandardy pasporttaý 2017 jáne 2018 jyldary júrgizilgenin atap ótti. Osyǵan baılanysty Tótenshe jaǵdaılar mınıstrligi men qala ákimdigi birlesip, qysqa merzimde aýdıt júrgizip, seısmıkalyq qaýipsizdikti kúsheıtý jónindegi pármendi sharalardy iske asyrýy tıis.
«Bul máselelerde álemdik tájirıbeni tek Almatyda ǵana emes, elimizdiń jer silkinisine ushyraýy yqtımal basqa da óńirlerinde paıdalaný qajet. Ýákiletti memlekettik organdar buǵan deıin alynyp tastalǵan jobalaý, qurylys jáne baqylaý prosesterin zańnamalyq turǵyda qatańdatý máselesin shuǵyl túrde qarastyrýy kerek», - dedi Álıhan Smaıylov.