Almaty turǵyny geroınniń asa iri partıasymen ustaldy
Polısıa qyzmetkerleri 39 jastaǵy S. esimdi azamatty esirtki saqtady dep kúdiktendi. Ol Almaty qalasy Jetisý aýdanynda ornalasqan bazar mańynda jedel izdestirý sharalary barysynda ustaldy, dep habarlaıdy Almaty-akshamy.kz Polisia.kz-ke silteme jasap.
«Jeke tintý kezinde kúdiktiden eki polıetılen baılamy tabyldy, onyń ishinde aqshyl tústi untaq jáne túıirshikter túrindegi erekshe ıisi bar zat tárkilendi. Ustalǵan azamattyń aıtýynsha, ol esirtkini belgisiz er adamnan satyp alǵan. Saraptama qorytyndysy boıynsha tárkilengen zat asa iri mólsherdegi esirtki geroın bolyp shyqty», – dedi Almaty qalalyq PD Esirtki qylmysyna qarsy kúres basqarmasy bastyǵynyń orynbasary Saǵyndyq Aıaǵanov.
Osy derek boıynsha QR QK-niń 296-baby 3-bólimine sáıkes qylmystyq is boıynsha sotqa deıingi tergeý bastaldy.