28 jastaǵy A.esimdi azamat atys qarýyn zańsyz saqtady degen kúdikke ilindi.
Onyń jalǵa alǵan turǵyn úıinen tegis uńǵyly myltyq, eki myltyq, pnevmatıkalyq tapansha, ártúrli kalıbrli 400-ge jýyq patron tabyldy jáne prosesýaldyq tártipte tárkilendi, dep habarlaıdy Almaty-akshamy.kz Polisia.kz-ke silteme jasap.
«Aldyn ala boljamǵa súıensek, bul qarý qylmystyq jolmen alynýy múmkin. Tıisti saraptama taǵaıyndaldy. Sonymen qatar A.esimdi azamat qarýmen buzaqylyq jasady degen kúdikke ilingen. Atalǵan derektiń mán-jaıy anyqtalyp jatyr. Kúdikti qamaýǵa alyndy. Qylmystyq ister QR QK-niń 287-baby 3-bóligi jáne QR QK-niń 293-baby 3-bóligimen tergelip jatyr», – dedi Medeý aýdandyq polısıa basqarmasynyń bastyǵy İlıas Ómirserikov.
QR QPK-niń 201-babyna sáıkes, ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.