Alaıaq satyp alýshylarǵa qazirgi ýaqytta kóliktiń eshqandaı qujaty joq ekenin aıtqan
Almaty turǵyny jalǵa alǵan kólikti satpaq bolǵan, – dep habarlaıdy Almaty-akshamy.kz Polisia.kz-ke silteme jasap.
Oǵan 190-baby “Alaıaqtyq” boıynsha aıyp taǵyldy.
– Birneshe aı boıy B.esimdi azamat eki sybaılasymen birge kólikterdi jalǵa alǵan. Birde ol birneshe kún aıdaǵannan keıin osy kólikti arzandatylǵan baǵamen satý týraly habarlandyrý jarıalady. Qaskóı satyp alýshylarǵa qazirgi ýaqytta kóliktiń eshqandaı qujaty joq ekenin túsindirdi. Qazir tirkeýdi aıaqtap, qujattardy alamyn dep sendirdi, biraq ázirge kólik qunynyń jartysyn aldyn ala tólem retinde qaldyrýdy usyndy. 6 mıllıon teńge kólemindegi aldyn ala tólemdi alyp, qaskóı qashyp ketti. Alaıaqtyq deregi boıynsha QR QK-niń 190-baby 3-bóliginiń 1-tarmaǵyna sáıkes sotqa deıingi tergeý bastaldy, – deıdi Áýezov aýdandyq Polısıa basqarmasynyń bastyǵy Ulan Ábilqaıyr.
Tergeý barysynda ustalǵan adamǵa qatysty qamaýǵa alý túrindegi bultartpaý sharasy tańdaldy. Onyń sybaılastary – T.esimdi azamatsha men S.esimdi azamatshanyń róli anyqtalyp jatyr.
– Er adam óziniń paıdakúnemdik josparlaryna kúdik týǵyzbaý úshin olardy “klıenttermen” kezdesýge ózimen birge alyp barǵany belgili. Qazir tergeý, kúdiktilerdiń qylmystyq áreketiniń qosymsha epızodtaryn anyqtaý jumystaryn júrgizýde, – dedi U.Ábilqaıyr.