"Qazgıdromet" Astana, Almaty jáne basqa da qalalardyń turǵyndaryna eskertý jasady, - dep habarlaıdy Aqshamnews.kz.
"21 shildede Qostanaı, Aqtóbe, Almaty, Astana qalalarynda túnde qolaısyz meteorologıalyq jaǵdaıǵa baılanysty aýa lastanady", – delingen habarlamada.
Qolaısyz meteorologıalyq jaǵdaı - aýanyń betki qabatynda zıan zattar shoǵyrlanýyna yqpal etetin qysqa merzimdi meteofaktorlar (tymyq aýa raıy, jel, tuman) jıyntyǵy.
Inversıa – bul jyly aýa qabaty sýyq aýanyń ústinde ornalasatyn aýa raıy qubylysy. Ádepki jaǵdaıda jerge jaqyn aýa jyly bolady da, joǵary kóterilip, lastaıtyn zattardy birge alyp ketedi. Al ınversıa kezinde sýyq aýa tómende qalyp, jyly aýa ony "jaýyp" turady. Sonyń saldarynan shyǵaryndylar, shań men tútin jerge jınalyp qalady. Bul ásirese qala jaǵdaıynda baıqalady.