Avtorlar bılik pen halyqty adamgershilikke shaqyrýdy kózdeıdi
Qazbek Rústembekov pen Elaman Shaýbanov atty elordalyq jas rejıserler Almatydaǵy qańtar oqıǵasy týraly áleýmettik rolık túsirdi, dep habarlaıdy Almaty-akshamy.kz Elorda.info-ǵa silteme jasap.
Rolıkti tolyq túsirip, jasap shyǵýǵa úsh aptadaı ýaqyt ketken. Dırektorlar usynysyna búkil ujym birden ún qosyp, tegin jumys isteýge kelisti. Qazbek Rústembekov beınerolıktiń negizgi ıdeıasy bılik pen halyqty adamgershilikke shaqyrý ekenin aıtty. Rolık polısıa qyzmetkeriniń prızmasy arqyly kórsetilgen oqıǵaǵa negizdelgen.
«Biz, jas kınorejısserlar, oqıǵanyń aýyrtpalyǵyn túsinemiz. Budan keıin jańa qoǵamnyń qandaı bolatyny árqaısymyzǵa baılanysty. Dál qazirgi sátte quqyq qorǵaý qyzmetkerleriniń ádilettilik tanytýy jáne halyqtyń adamgershilik qasıetterin joǵaltpaýy mańyzdy», - dedi avtorlardyń biri.
Fılmdi túsirý búdjetin kraýdfandıng arqyly qamqor azamattar jınap bergen. Nátıjesinde qysqa merzimde 465 myń jınalǵan. Kómek kórsetken azamattardy avtorlar vıdeonyń tıtrynda kórsetken.
«Elordanyń úzdik mamandary túsirilimge kómektesýge kelisti. 40 adam tegin jumys istedi. Bul memlekettik tapsyrys emes, bárin óz ynta-jigerimizben jasadyq. Qarjylyq jaǵynan ún qatyp, túsirilimge kómekteskenderdiń barlyǵyna alǵys aıtamyn», - dedi Rústembekov.