Tótenshe jaǵdaılar departamentiniń taý-orman órtterin sóndirýge daıyndyǵyn, ruqsat etilmegen oryndarda ot jaqqany úshin jaýapkershilik jáne tilsiz jaýdyń aldyn alý týraly Almaty qalasynyń Óńirlik komýnıkasıalar qyzmetiniń brıfıńinde Almaty qalasy TJD memlekettik órt baqylaý basqarmasynyń basshysy Danıar Júsipov pen «İle Alataýy memlekettik ulttyq tabıǵı parki» RMM ormandy qalpyna keltirý jáne jańǵyrtý bóliminiń basshysy Raıhan Muhametjanova aıtyp berdi, - dep habarlaıdy almaty-akshamy.kz
Almatyda kún jylysymen órtke qaýipti kezeń bastaldy. Osyǵan baılanysty Almaty qalasynyń TJ jónindgi departamenti órttiń aldyn alý men sóndirýge qatysty is-sharalar keshenin júrgizýde.
Basqarma jergilikti atqarýshy organdarmen birlese otyryp, qurǵaq ósimdik jamylǵysy (250 ga) jáne mıneraldanǵan jolaqtardy qurý (85 km) boıynsha jumystardy júrgizý qajet aýmaqtardy anyqtady. Qazirdiń ózinde jol boıyndaǵy 10 shaqyrym jer jyrtylyp, qalaǵa irgeles ashyq alańqaılar, sondaı-aq jalpy alańy 15 ga qurǵaq ósimdik baýraıy jyrtyldy.
irgeles ashyq alańqaılar, sondaı-aq jalpy alańy 15 ga aýmaqta qurǵaq ósimdik baýraıy jyrtyldy.
«Sonymen qatar, tabıǵı órtterdi sóndirý úshin 13 adamnan turatyn(2 birlik jol talǵamaıtyn tehnıka, 7 aspaly órt sóndirgish, 25 petarda, 20 kúrek) bir táýlik boıyna kezekshilik etetin tabıǵı órtterdi sóndirý úshin biriktirilgen jedel áreket etý toby quryldy. Tabıǵı órtterdiń oryn alýy týraly qońyraý túsken kezde departamenttiń kúshteri men quraldary №2 joǵarylatylǵan shaqyrý razrádyna jiberiledi», - dedi D.Júsipov.
Sondaı-aq jol talǵamaıtyn tehnıkalar, aspaly órt sóndirgishter, Almaty qalalyq Qutqarý qyzmetiniń avıasıalyq bólimshesi daıyndyqtan ótti.
R.Muhametjanovanyń keltirgen derekteri boıynsha, ótken jyly İle Alataýy ulttyq parkiniń aýmaǵynda 10 orman órti tirkeldi.
Tótenshe jaǵdaılar departamenti demalýshylardyń nazaryna İle-Alataý ulttyq saıabaǵynda ystyq tamaq pisirý úshin arnaıy jabdyqtalǵan 14 oryn bar ekenin eske salady: 12 oryn Almaarasan shatqalynyń aýmaǵynda, Úlken Almaty jáne Kazachka ózenderiniń boıynda, 2 oryn Býtakovkada.
«Aıta ketetin jaıt, erekshe qorǵalatyn tabıǵı aımaqtardyń aýmaqtarynda jáne arnaıy belgilenbegen jerlerde órt tutandyrǵany úshin orman sharýashylyǵy mekemeleriniń qyzmetkerleri Qazaqstan Respýblıkasynyń «Ákimshilik quqyq buzýshylyq týraly» Kodekstiń 367-babyna sáıkes ákimshilik aıyppul salýǵa quqyly. Jeke tulǵalarǵa salynatyn aıyppul mólsheri 10-nan 100 AEK-ke deıin ózgerip turady», - dedi D.Júsipov.
Tótenshe jaǵdaılar departamenti turǵyndardy taýly orman alqaptarynda qarapaıym órt qaýipsizdigi erejelerin saqtaýǵa shaqyrady:
- órttiń týyndaýyna sebep bolýy múmkin qoqys zattaryn demalys oryndarynda qaldyrmaý, ózderinen keıin tazalap ketý;
- tutanǵan sirińke, temeki tuqylyn laqtyrmaý, qurǵaq shópti tutatpaý;
- arnaıy jasalmaǵan oryndarda ot jaǵýǵa bolmaıdy, osy maqsatta mangal jáne basqa da tamaq pisirý quraldaryn qoldanbaý kerek.