Almatyda aýa raıynyń ystyq bolýyna baılanysty órt qaýipti jaǵdaı saqtalýda. Bul týraly Almaty qalasynyń Óńirlik komýnıkasıalar qyzmetiniń brıfıńinde Almaty qalasy TJD Memlekettik órt baqylaý basqarmasynyń basshysy Danıar Júsipov málimdedi, dep habarlaıdy Almaty-akshamy.kz
«Jaz-bul tabıǵı órtterdiń paıda bolý qaýpi aıtarlyqtaı artatyn ýaqyt ekeni bárińizge belgili. Olar qorshaǵan ortaǵa, ekonomıkaǵa jáne adamdardyń densaýlyǵyna eleýli zıan keltirýi múmkin. Aýa-raıy boljamyna sáıkes, shilde aıynyń sońynda temperatýra 40 gradýsqa deıin kóteriletin ystyq aýa-raıy kútiledi. Búgingi kúni «Qazgıdromet» 2023 jylǵy 23 shildeden beri tótenshe órt qaýpin saqtalatynyn aıtyp, shuǵyl eskertý jasaýda», - dep bólisti spıker.
Departament órttiń aldyn alýǵa jáne sóndirýge baǵyttalǵan is-sharalar keshenin ótkizedi. Almaty TJD jeke quramy joǵary daıyndyq rejıminde.
Taýly ormandy jerlerde órtterdiń aldyn alý, erte anyqtaý jáne ýaqtyly joıý maqsatynda 26 maýsymnan bastap Úlken Almaty shatqalynda mehanıkalyq kúzet qoıyldy. Sondaı-aq, 11 shildeden bastap qurǵaq ósimdikterdiń órtený qaýpi joǵary jerlerde, bes ýchaskede mehanıkalandyrylǵan kúzet qoıyldy - olar Ishtvan Qońyr kóshesi, Keńsaı-2 yqsham aýdany, Kók-Tóbe parki, ÚAK boıymen Indýstrıaldy aımaq.
«Taýly ormandy jerlerde órttiń aldyn alý maqsatynda aýmaqtyq bólimshelerdiń qyzmetkerleri kúndelikti monıtorıńti júzege asyrady. Búgingi tańda 90-nan astam reıd júzege asyryldy, 7 myńnan astam jadynama tabys etildi, 170 - ten astam ot jaǵý faktisi toqtatyldy, jalpy somasy 5 mln teńgeden astam somaǵa 100 jeke tulǵa ákimshilik jaýapkershilikke tartyldy», - dep atap ótti D.Júsipov.
Departament jergilikti atqarýshy jáne basqa organdarmen birlesip taý-ken órtterin sóndirý boıynsha joıý algorıtmin qaıta óńdep, kelisken.
«3 órt-taktıkalyq oqý-jattyǵý ótkizildi. Tabıǵı órtterge jedel áreket etý maqsatynda Departamentte 13 adamnan turatyn tabıǵı órtterdi sóndirý jónindegi jıyntyq jasaq quryldy, tabıǵı órtterdiń paıda bolýy týraly shaqyrtý túsken kezde kúshter men quraldar №2 shaqyrýdyń joǵary dárejesi boıynsha jiberiledi», - dep atap ótti spıker.
Taýly-ormandy jerlerde órttiń aldyn alý maqsatynda Departament jaıaý bólimshelerden basqa patrúldeýde 3 dron paıdalanady. Bul drondardyń ereksheligi-olar 8 km-ge deıin jáne teńiz deńgeıinen 6000 metr bıiktikte usha alady, sonymen qatar jylý kameralary men daýys zoraıtqysh qurylǵylarmen jabdyqtalǵan, ot tutatýǵa bolmaıtyn jerlerde ot jaǵatyn buzýshylardy áldeqaıda tıimdi jáne jyldam tabýǵa kómektesedi.
Sondaı-aq, Departament derekteri boıynsha, taýly ormandy jerlerde órtterdi sóndirýge daıyndyqta Almaty, «Qazavıaqutqarý» jáne «Qazavıaqutqarý» qutqarý qyzmetiniń 5 áýe borty bar, sondaı-aq Úlken Almaty kóli, Parhach, áýejaı jáne Iýnatskoe kólderinen avıasıalyq tehnıkamen sý alý múmkindigi kózdelgen.
TJD taýly ormandy jerlerde órttiń jıi sebebi adam faktory bolyp tabylatynyn atap ótti. Al tabıǵı parkter aýmaǵy (İle-Alataý ulttyq parki, Medeý tabıǵı parki, Baým toǵaıy jáne t.b.) tabıǵı órtke barynsha beıim. Bul aýmaqtar qala turǵyndary men týrıserdiń súıikti oryndary bolyp tabylatyndyǵyn eskere otyryp, TJD taýly jerlerde órt qaýipsizdiginiń qarapaıym erejelerin saqtaýǵa shaqyrady:
- demalys oryndarynda qoqys qaldyrmaý, tutanýy múmkin qoqystardy ózińizben birge alyp ketý kerek;
- janyp turǵan sirińkelerdi, temeki tuqyldaryn tastamaý, qurǵaq shópti kúıdirmeý;
- osy maqsattar úshin arnalmaǵan jerlerde ot jaǵýǵa, barbekú men tamaq daıyndaýǵa arnalǵan basqa da qurylǵylardy paıdalanýǵa bolmaıdy.