Almaty 9-10 baldyq seısmıkalyq aımaqta ornalasqan.
ÓKQ brıfıńinde qutqarý qyzmetteri tótenshe jaǵdaı kezinde jáne odan keıin ár azamattyń árkete etýi men jeke daıyndyǵy mańyzdy ekenin eske saldy, dep habarlaıdy Almaty-akshamy.kz.
Almatylyqtar úshin jer silkinisi kezinde otbasylyq nemese ujymdyq is qımyl josparyn jasaý mańyzdy:
- jer asty dúmpýler kezinde áreket etý úshin úıińizdegi eń qaýipsiz jerlerdi aldyn-ala anyqtaý qajet. Mundaı oryndarǵa mynalar jatady: kúrdeli ishki qabyrǵalardyń sańylaýlary, ishki qabyrǵalardan paıda bolǵan buryshtar, ishki qabyrǵalardy baǵandarynyń janyndaǵy oryndar jáne jaqtaý arqalyqtarynyń astynda;
- ǵımarattan evakýasıalaýdyń eń qysqa jolyn anyqtańyz nemese ǵımarat ishinde qaýipsiz oryn tabyńyz;
- sondaı-aq, bolǵan jer silkinisinen keıin otbasyńyzdyń jınalý ornyn aldyn ala anyqtańyz.
Almaty qalasy Tótenshe jaǵdaılar departamentiniń basshysy Nurlan Atyǵaev qabyldanýy qajet sharalar týraly aıta otyryp, bıik úılerde turatyn almatylyqtar bilýi tıis 10 qarapaıym erejeni este saqtaýdy usyndy:
1. dúrbeleńge túspeńiz, sabyrlyq saqtańyz;
2. jer asty dúmpýleri kezinde lıft pen baspaldaqty paıdalanbańyz, jer silkinip jatqan ýaqyt ótkenshe úıde kútińiz;
3. jıhazdan, terezelerden, lústradan alystańyz;
4. jasyrynatyn oryn tabyńyz (júk kótergish/kapıtal/ishki qabyrǵalardyń buryshy);
5. ǵımarattan shyǵyńyz (kóp qabatty úılerde – jerasty dúmpýleri toqtaǵannan keıin);
6. sýdy, gazdy, elektr qýatyn óshirińiz;
7. aldyn-ala daıyndalǵan «dabyl chemodanyn» alyńyz;
8. ǵımarattan evakýasıalaý kezinde elektr jelilerinen, ǵımarattardan, aǵashtardan aýlaq bolyńyz;
9. jer silkinisiniń qaıtalanýy múmkin ekenine daıyn bolyńyz;
10. balalarǵa, qarttarǵa, múmkindigi shekteýli jandarǵa kómek kórsetińiz.
Evakýasıadan keıin zardap shekken halyqty aýqymdy tótenshe jaǵdaı kezinde ornalastyrylatyn eń jaqyn qabyldaý pýnktine ornalastyrý qajet.
Almatyda zardap shekken halyqty qabyldaıtyn 384 qabyldaý pýnkti jumys isteıdi.
Halyqty jáne tótenshe jaǵdaılardan zardap shekkenderdi jınaý pýnktteri mektep, balabaqsha, kolej, joǵary oqý oryndary syndy bilim berý uıymdarynda ornalasqan.
«Barshanyń nazaryna!» sıgnalyn estigennen soń, qoljetimdi habarlandyrý quraldaryn, mysaly, «dabyl chemodanyndaǵy» qabyldaǵyshty qosyp, alynǵan nusqaýlar boıynsha áreket etý kerek», - dep tolyqtyrdy spıker.
Qorytyndylaı kele, ol jer silkinisiniń qaıtalama faktorlarynan qaýipsizdik sharasy retinde úı-jaılardyń (bólmelerdiń) qabyrǵalaryna aýqymdy jıhazdy bekitý jumystaryn júrgizý arqyly, qurylymdyq emes seısmıkalyq kúsheıtýdi usynady.