Murathan Bazarbaev jappaı tártipsizdik kezinde oq tıip qaza bolǵan.
QR Prezıdenti Qasym-Jomart Toqaevtyń Jarlyǵymen Almatydaǵy jappaı tártipsizdik kezinde «Almaty» telearnasynyń qaza tapqan qyzmetkeri Murathan Bazarbaevty «Erligi úshin» medalimen marapattady, dep habarlaıdy Almaty-akshmy.kz Almaty.tv cilteme jasap.
Memleket basshysy qol qoıǵan qujatty «Almaty» telearnasynyń bas dırektory Nurjan Jalaýqyzy marqumnyń uly Eldar Murathanulyna tabys etti.
Eske salsaq, 6 qańtarda «Almaty» telearnasynyń qyzmetkerleri túsirilim kezinde terrorısterdiń zańsyz áreketine tap bolyp, kólikke atylǵan oq saldarynan Murathan Bazarbaev oqıǵa ornynda jantásilim etken bolatyn.
- Murathan Ábdauly Bazarbaev arnamyzǵa 2019 jyly naýryz aıynda jumysqa ornalasqan bolatyn. 54 jastaǵy áriptesimiz 2 jyl boıy pandemıa kezinde de adal qyzmet etti. El basyna aýyr kún týǵan ýaqytta da esh qıyndyqtan taıynbaı, qyzmettik boryshyn abyroımen ótep, erlikpen qaza tapty. Marqumnyń artynda jary, kámeletke tolǵan 3 balasy men nemereleri qaldy, - dedi Nurjan Jalaýqyzy.