Almaty – jastar qalasy. Munda jańa ıdeıalar týyp, zamanaýı mádenıet qalyptasyp, ómir sapasynyń joǵary standarttary belgilenedi. Búgingi tańda megapolıstiń tazalyǵy men kórkine jaýapkershilikti dál jastar moınyna alýǵa tıis.
Qalanyń sanıtarlyq tazalyǵyna jaýapty «Almaty Tazalyq» memlekettik komýnaldyq kásiporny óz quramyn keńeıtip, jas qyzmetkerlerdi komandasyna qosýǵa daıyn. Bul sheshim Memleket basshysy Qasym-Jomart Toqaevtyń tapsyrmalary aıasynda, Jumysshy mamandyqtar jyly jáne «Taza Qazaqstan» memlekettik baǵdarlamasy sheńberinde qabyldandy. Baǵdarlama ekologıalyq mádenıetti kóterý men jańa qalalyq ortany qalyptastyrýǵa baǵyttalǵan.
Jastar úshin múmkindikter
«Almaty Tazalyq» stýdentterge, kolej ben ýnıversıtet túlekterine jáne jumys pen oqýdy úılestire alatyn barlyq jastarǵa esigin ashady. Mańyzdysy – bul tek ýaqytsha senbilikter emes, tolyqqandy jalaqy tólenetin jumys: jastar kásiporynnyń shtatynda, onyń ishinde jartylaı jumys rejıminde qyzmetke qabyldana alady.
Jastarǵa áleýmettik jáne motıvasıalyq paket usynylady:
-
resmı turaqty jalaqy jáne bonýs júıesi;
-
korporatıvtik mobıldi baılanys;
-
maýsymdyq formalar (jazǵy jáne qysqy).
Sonymen qatar, Almatydaǵy ekologıalyq volonterlik qozǵalystyń ókilderi qala tazalyǵyn qorǵaýmen aınalysýǵa múmkindik alady – endi tek erikti túrde emes, resmı jalaqymen jáne barlyq bonýs-júıemen.
Mansaptyq ósý jáne patrıotızm
«Almaty Tazalyqtaǵy» jumys jastar úshin alǵashqy eńbek tájirıbesi bolmaq. Praktıka men tálimgerlik arqyly olar tek mamandyqty ıgerip qoımaı, qala sharýashylyǵy salasynda mansap qura alady. Kompanıa ishinde mansabyn ósirý áleýeti zor: qarapaıym qyzmetkerden basqarýshy deńgeıine deıin. Bul – Almatynyń damýyna óz úlesin qosyp, týǵan jerge degen patrıottyq sezimdi naqty is arqyly qalyptastyrý múmkindigi.
Kompanıany keńeıtý
Jaqyn arada «Almaty Tazalyq» shtaty shamamen 2000 adamǵa kóbeıtiledi. Almaty qarqyndy damyp keledi, jáne qalaǵa qosymsha eńbek kúshi qajet. Búgingi tańda osy mindetti jastar óz moınyna alýǵa tıis.
Qala tazalyǵy – jastardyń qolynda
«Almaty Tazalyqtyń» damýynyń jańa tolqyny – tek shtatty keńeıtý emes. Bul eńbekke jáne qalaǵa degen jańa kózqarasty qalyptastyrý qadamy. Almaty árdaıym jastar qalasy dep atalyp kelgen, jáne endi bul mártebe naqty is arqyly rastalady: qala tazalyǵy – jastardyń qolynda.
Suraqtar boıynsha baılanys
«Almaty Tazalyq» komandasyna qosylǵysy keletinder myna telefon arqyly habarlasa alady: +7 (702) 809 97 01.
Qosymsha aqparat alý úshin mekenjaı: Almaty q., Kókmaısa mkr., 26E.
Jumys týraly tolyq aqparat: 20250904183648095.pdf