Týrıserdiń birine qutqarýshy-medbıke alǵashqy medısınalyq kómek kórsetti
Almaty taýlarynda úsh týrıs qutqarylyp, medısınalyq kómek kórsetildi, dep habarlaıdy Almaty-akshamy.kz Tótenshe jaǵdaılar mınıstrligine silteme jasap.
28 mamyr kúni saǵat 19:49-da TJM Respýblıkalyq jedel-qutqarý jasaǵynyń kezekshi-dıspecherlik bólimine Almaty qalasy TJD-nan «Trı Brata» shyńy aýdanynda úsh er adamnyń jańbyrdyń astynda qalyp qoıǵany týraly habarlama túsedi. Olardyń biri ózin nashar sezine bastaǵany aıtylady. Jasaqtyń 8 adamnan turatyn qutqarý toby jedel túrde izdeýge shyǵyp, saǵat 22:58-de «Kók-Jaılaý» aýdanynan eki týrısi tabady. Úshinshi saıahatshy taýdan óz betinshe túsken.
Atap aıtqanda, 1982, 1986, 1998 jyldary týǵan úsh er adam qutqaryldy. Týrıserdiń birine qutqarýshy-medbıke alǵashqy medısınalyq kómek kórsetti, ol sýyqtap qalǵan jáne aıaǵyn jaralap alǵan.
Osy oraıda, TJM qutqarýshylary taýǵa shyǵý erejelerin eske salady. «Taýǵa jalǵyz barmańyz, bul – qaýipti. Jaıaý serýendeýdiń negizgi bóligin tańerteń jasańyz. Týrıske qajetti zattardyń ishinde mindetti túrde: sý, qosalqy kıim jıyntyǵy, qýattalǵan qosymsha qýat kózi, sý ótkizbeıtin pakettegi sirińke jáne alǵashqy kómek jınaǵy bolýy kerek».