Búgin qalada aýa raıy kúrt sýytyp, kúni boıy jańbyr jaýdy. Taýly aımaqtarǵa qar tústi, dep habarlaıdy aqshamnews.kz.
«Shymbulaq» taý-shańǵy kýrortynyń bazalyq beketterinde ornatylǵan beınekameralar Bogdanovıch muzdyǵyn qar basyp qalǵanyn jelide kórsetti.
İle Alataýynyń orta taýly jáne bıik taýly aımaqtarynda, atap aıtqanda, 2500 metrden joǵary bıiktikte jaýyn-shashyn tústi: jańbyr burqasynǵa aınalǵan. Sınoptıkterdiń aıtýynsha, buǵan soltústik-batystaǵy sýyq aýa men atmosferalyq front sebep bolǵan.
Buǵan deıin «Qazgıdromet» Qazaqstannyń basym bóliginde daýyldy eskertý jarıalaǵan edi, sondaı-aq elimizdiń keıbir aımaqtarynda jańbyr jaýyp, úsik júredi dep boljaǵan bolatyn.