Almaty qalasynyń Bostandyq aýdandyq soty «Pioneer Capital Invest» JSHS men Jusan Technologies Ltd arasyndaǵy «First Heartland Jusan Bank» AQ-nyń, sondaı-aq onymen baılanysty uıymdardyń aktıvterin sheteldik ıýrısdıksıalarǵa berý týraly mámileni jaramsyz dep tanyp, Almaty qalasy prokýrorynyń talap aryzy boıynsha azamattyq is qozǵady, dep habarlaıdy Almaty-akshamy.kz.
Bas prokýratýranyń baspasóz qyzmetiniń málimetinshe, 2022 jylǵy maýsymda Prezıdent Qasym-Jomart Toqaevtyń tapsyrmasy boıynsha elden zańsyz shyǵarylǵan qarajatty Qazaqstanǵa qaıtarý jónindegi vedomstvoaralyq komısıa qurylǵan sátten bastap Bas prokýratýra kapıtaldy jymqyrý jáne shetelge shyǵarý faktilerin anyqtaý úshin bank sektorynda taldaý júrgizdi.
Taldaý barysynda «Jusan» tobynyń aktıvterin basqarý qurylymyn ózgertýdiń kóleńkeli sqemasy anyqtaldy. Atalǵan sqemany júzege asyrý nátıjesinde toptyń qyzmetin baqylaý quzireti shetelde tirkelgen uıymdarǵa óteýsiz berilgen.
Atap aıtqanda, 2020 jylǵy 27 sáýirde Jusan tobynyń ıesi «Pioneer Capital Invest» JSHS-nyń qatysýshylarynyń jalpy jınalysynda Pioneer múlkin shetelde tirkelgen Jusan Technologies Ltd kompanıasynyń jarǵylyq kapıtalyna berýdi maquldaý týraly sheshim qabyldanǵan. Bul áreketter qoǵamdyq múddelerge, onyń ishinde «Nazarbaev Ýnıversıteti» men «Nazarbaev Zıatkerlik mektepteriniń» ondaǵan myń qazaqstandyq stýdentteri men oqýshylarynyń múddelerine qaýip tóndirdi. Sebebi «Jusan» tobynyń aksıalary, oblıgasıalary men depozıtteri boıynsha dıvıdendteri - atalǵan oqý oryndaryn qarjylandyrý kózderiniń biri.
Budan bólek, 2023 jylǵy 3 aqpanda Bas prokýratýraǵa birqatar sýbektiniń quqyqqa qarsy áreketteriniń saldarynan «Jýsan» toby sheteldik memleketter azamattarynyń baqylaýyna ótip ketý faktileri boıynsha prokýrorlyq qadaǵalaý sharalaryn qabyldaý týraly «Nazarbaev qorynyń» aryzy kelip tústi.
Osylaısha, prokýratýra organdarynyń maqsaty - tek ádilettilikti qalpyna keltirip, «Jusan» tobynyń aktıvterin basqarýdy Qazaqstannyń quzyryna qaıtarý. Sonymen qatar atalǵan talap aryz Jusan Banktiń jumysyna qatysty emes, ıaǵnı onyń qyzmetine, sondaı-aq banktiń klıentteri men iskerlik seriktestikterimen ózara is-qımylyna shekteý qoımaıdy. İstiń sotta qaralýy Jusan Banktiń jumysyna áser etpeıdi, ol qalypty jaǵdaıda jumysyn jalǵastyratyn bolady.
Sýret: Egemen.kz