Densaýlyq saqtaý mınıstrligi apparaty basshysynyń buıryǵymen Qasymhan Alpysbaıuly Almaty qalasynyń sanıtarlyq-epıdemıologıalyq baqylaý departamentiniń basshysy bolyp taǵaıyndaldy, dep habarlaıdy Almaty-akshamy.kz QazAqparatqa silteme jasap.
Departamenttiń baspasóz qyzmetinen málim etkendeı, búgin Qazaqstan Respýblıkasy Densaýlyq saqtaý mınıstrligi apparatynyń basshysy Batyrbek Sultanuly Ábdildın jańa basshyny ujymǵa tanystyrdy jáne ári qaraıǵy qyzmetine tabys tiledi.
Qasymhan Alpysbaıuly 1977 jyldyń 21 qazanynda Ońtústik Qazaqstan oblysy (Túrkistan oblysy) Túlkibas aýdanynda dúnıe kelgen, ulty qazaq. 2000 jyly Qazaq memlekettik medısına ýnıversıtetin «gıgıena jáne epıdemıologıa» mamandyǵy boıynsha bitirgen. 2006 jyly Ortalyq-Azıa ýnıversıtetin «quqyqtaný» mamandyǵy boıynsha bitirgen. 2009 jyly ál-Farabı atyndaǵy Qazaq ulttyq ýnıversıtetin «menedjment» mamandyǵy boıynsha bitirgen.
Eńbek jolyn 2000 jyly Bostandyk aýdany sanıtarlyq-epıdemıologıalyq qyzmetinen bastaǵan. Ár jyldary Almaty qalasy aýdandarynyń sanıtarlyq-epıdemıologıalyq qyzmetinde sanıtarlyq dáriger bolyp jumys jasaǵan. 2009 – 2014 jj. Almaty qalasynyń Jetisý aýdany sanıtarlyq-epıdemıologıalyq qyzmetiniń basshysy bolyp istegen. 2014 jyldan beri Almaty qalasynyń Medeý aýdany sanıtarlyq-epıdemıologıalyq qyzmetiniń basshysy bolyp qyzmet atqarǵan.
Aǵymdaǵy jyldyń 3 aqpanynan bastap Almaty qalasynyń sanıtarlyq-epıdemıologıalyq baqylaý departamentiniń basshysy bolyp taǵaıyndaldy. Jumysta jetken jetistikteri úshin «Densaýlyq saqtaý salasynyń úzdigi», «Densaýlyq saqtaý salasyn damytýǵa qosqan úlesi úshin» vedimistik nagradalarymen, «Halyq alǵysy» medalimen marapattalǵan.