UBT tapsyrý kezinde 72 talapkerdiń nátıjesi joıyldy
Bul týraly QR Ulttyq testileý ortalyǵynyń dırektory Rýslan Emelbaev Bilim jáne ǵylym mınıstrliginiń apparat otyrysynda málim etti, dep habarlaıdy Almaty-akshamy.kz
«Ulttyq biryńǵaı testileýge jiberilmegen jáne nátıjeleri joıylǵan test tapsyrýshylardyń jalpy sany 95 adamdy qurady. Onyń ishinde testileýge kirgizý barysynda ártúrli tyıym salynǵan zattardy alyp kelgeni úshin testileýge jiberilmegen 23 adam bar. Al test tapsyrý barysynda tyıym salynǵan zattardy qoldanǵany úshin 72 talapkerdiń nátıjesi joıyldy»,– dedi spıker.
Túlekter pandemıaǵa baılanysty 42 test tapsyrý pýnktinde 50% tolymdylyqpen UBT tapsyrýda.
«Bir talapkerdiń dene qyzýy joǵary bolǵandyqtan, testileýge jiberilmedi. Ol basqa ýaqytta tapsyrady. Múmkindigi shekteýli, erekshe bilim berý qajettiligi bar 29 talapker test tapsyrdy. Bıyl olarǵa qosymsha 40 mınýt ýaqyt jáne arnaýly oryn belgilengen. Test mazmuny da olardyń erekshelikterin eskere otyryp ázirlengen», – dedi QR Ulttyq testileý ortalyǵynyń dırektory.