1935 jyly qoǵam qaıratkeri Temirbek Júrgenovtyń bastamasymen negizi qalanǵan Respýblıkanyń tuńǵysh qýyrshaq teatry bıyl 90 jyldyq mereıli belesin atap ótýde. Qazaq sahna óneriniń erekshe salasy sanalatyn bul óner ordasy talaı býynnyń balalyq shaǵyna shattyq syılap, ulttyq mádenıettiń damýyna ólsheýsiz úles qosty. Toqsan jyldyq tarıhynda teatr kórkemdik izdenister men shyǵarmashylyq jetistikterge toly joldy eńserdi.
Óner ordasy aǵymdaǵy jyldyń 10 qyrkúıek kúni, saǵat 14.00-de mereıli 90-shy maýsymynyń shymyldyǵyn túrmek. Teatrdyń jańa maýsymashary aıasynda kórermen nazaryna qazaq ulttyq qýyrshaq óneriniń rýhy men mańyzyn dáripteıtin «Orteke» spektakliniń premerasyusynylady. Qoıylym rejıseri – Grıgorıı Laıko. Sonymen qatar, qýyrshaq teatrynyń 90 jyldyq tarıhyn toǵystyrǵan tarıhı-tanymdyq kitaptyń tusaýkeseri jáne jádiger qýyrshaqtar men teatr jetistikterine arnalǵan teatr qabyrǵasynan tuńǵysh ret teatr mýzeıiniń ashylýy ótedi.
90 jyldyq tarıhqa ıe Qýyrshaq teatry úshin halqymyzdyń kóne zamandardan búgingi kúnge jetken kıeli ónerin, salt-dástúrin, ulttyq kıimderi men mýzykalyq aspaptaryn jáne halyq aýyz ádebıetiniń áıgili keıipkerlerin jańashyl baǵytta tanystyrýdy kózdeıtin «Orteke» spektakli – kórermenderdi beıjaı qaldyrmasy anyq. Búldirshindermen ınteraktıvti baılanys, tebirenterlik ánder men kúıler, zor yqylaspen jasalǵan aıryqsha qýyrshaqtar jańa týyndynyńaıryqsha tusy bolmaq. Sújet jelisi boıynsha halqymyzdyń ónerpaz tulǵalary jınalǵan qaýymǵa orteke óneriniń ereksheligi týrasynda syr shertip, kórermendermen birge ańyzdar men ertegiler álemine sapar shegedi.
Maýsym ashylýy merekesiniń mańyzdy is-sharasynyń biri – qýyrshaq teatrynyń 90 jyldyq mereıtoıy aıasynda arhıvtik materıaldardan bastap, búgingi shyǵarmashylyq tynysyna deıingi aralyq qamtylǵan tarıhı-tanymdyq «Tamyry tereń teatr: 90 jyldyń izimen» kitabynyń tusaýkeseri bolmaq. Ǵasyrǵa jýyq ýaqyt kólemindegi tarıhty qamtıtyn atalmysh eńbek teatr salasynyń zertteýshilerine, bolashaq mamandaryna, keler urpaqqa mańyzdy mura bolmaq. Kitaptyń qurastyrýshy avtory ári redaktory – Gúlim Kópbaıqyzy.
«Arhıvtik materıaldar arqyly teatrdyń ósý-órkendeý joly zerttelip, kezeńdik qoıylymdar men akterlik, rejıserlik jetistikteri haqynda oı órbitildi», – dep atap ótti avtor.
Sonymen qatar, tarhy tereń óner mekeniniń jádiger qýyrshaqtary, áıgili óner juldyzdary beınesindegi qýyrshaqtar, spektákl eskızderi men tarıhı fotosýretter qamtylǵan mýzeıdiń resmı ashylýy ótkiziledi.
Mereıli 90-shy maýsymnyń ashylýy – qýyrshaq teatry úshin úlken mereke ári ult rýhanıatynyń ótkenin ulyqtap, bolashaǵyna baǵyt silteıtin taǵylymdy oqıǵa bolmaq. Qýyrshaq óneri arqyly halqymyzdyń tarıhy men salt-dástúri, ulttyq bolmysy jańa qyrynan jarqyraı túsip, kórermen júregine jol tabary sózsiz.
Óner súıer qaýym men búldirshinderdi qýyrshaq teatry asyǵa kútedi!
Maýsymashar baǵdarlamasy:
14.00 – Baspasóz konferensıasy, «Tamyry tereń teatr: 90 jyldyń izimen» kitabynyń tusaýkeseri
14.30 – tarıhı jádiger qýyrshaqtar men teatr jetistikterine arnalǵan tuńǵysh mýzeıdiń ashylýy
15.00 – «Orteke» (rejıseri: G. Laıko)spektakliniń premerasy