Mamandar kún saıyn sý aıdyndarynda birlesken reıdter ótkizedi.
Almaty qutqarýshylary atqarǵan isterine esep berip, brıfıńqa qatysty. Olardyń atýynsha, sońǵy úsh jlda olar 64 adamdy aman alyp qalǵan, onyń 30 bala, dep habarlaıdy Almaty-akshamy.kz.
Osy jyly qalada sýǵa shomylý maýsymynda, qutqarýshylar 10 adamdy qutqardy. Almaty qalasy Tótenshe jaǵdaılar departamentiniń Azamattyq qorǵanys basqarmasynyń basshysy, podpolkovnık Isqar Savazovtyń aıtýynsha, mundaı jaǵdaılar kóbinese qaýipsizdik erejelerin elemeýden bolady.
Óńirlik komýnıkasıalar qyzmetiniń brıfıńinde Almaty TJD ókili sońǵy úsh jylda 64 adam, onyń ishinde 30 bala qutqarylǵanyn habarlady.
Ichar Savazov temperatýranyń tómendeýine baılanysty sýǵa shomylý asa qaýipti ekenin atap ótti.
«Adam aǵzasynyń salqyndaýy sýda jazataıym oqıǵalarǵa, sińirdiń tartylýyna alyp soǵýy múmkin», - TJD Azamattyq qorǵanys basqarmasynyń basshysy.
Podpolkovnık 23 tamyzda Saıran kólinde bolǵan oqıǵany keltirdi. Bul kúni qutqarýshylar shomylý kezinde qurysýlar bastalyp, batyp bara jatqan 14 jastaǵy jasóspirimdi qutqarǵan.
Aıta keterligi,oqıǵa Almatyda shomylýǵa ruqsat etilgen jerde bolǵandyqtan, qutqarýshylar jedel kómekke kele aldy.
Basqa júzý oryndary «beıimdelmegen jáne jabaıy jaǵajaılarǵa» jatady. Maýsymnyń basynda osyndaı jerlerge qutqarýshylar 66 tyıym salý belgilerin ornatqan.
Isqar Savazovtyń aıtýynsha, qutqarýshylar jergilikti polısıa qyzmetkerleri, QR UU 5571 áskerı bólimniń, Qyzyl Jarty Aı qoǵamynyń, eriktiler uıymynyń áskerı qyzmetshilerimen birlesip Lider.kz kún saıyn sý aıdyndarynda birlesken reıdter ótkizedi.
Jaǵajaıǵa zańdy ókildersiz keletin balalarmen olar profılaktıkalyq áńgimeler júrgizedi, eresektersiz júzýdiń qaýiptiligin túsindiredi. Podpolkovnık balalardy qaraýsyz qaldyrmaý, sý janynda qaraýsyz oınaýǵa jol bermeý, spırttik ishimdik ishpeý jaıynda aıtyp ótti.
Qutqarýshylar demalys jáne mereke kúnderi kúsheıtilgen rejımde jumys isteıdi. Osy maýsymda 800-den astam birlesken reıdter ótkizilip, onyń barysynda "sýdaǵy qaýipsizdik" taqyrybyna 7 800-den astam jazbalar taratyldy.
Osyndaı patrúlderdiń arqasynda qoǵamdyq orynda ishimdik ishken 34 ereje buzýshy anyqtaldy. Barlyq tulǵalar QR ÁQBtK-niń 440-baby boıynsha ákimshilik jaýapkershilikke tartyldy. Aıyppuldardyń jalpy somasy 495 890 teńgeni qurady.
Belgilenbegen orynda sýǵa túskeni úshin 364-bap boıynsha «ortaq sý paıdalaný erejelerin buzý» boıynsha 7 adam jaýapqa tartyldy. Tártip buzýshylarǵa qatysty eskertý sharasy qoldanyldy", - dedi Isqar Savazov.
Aıta keterligi, qala qutqarýshylary úshin eń úlken másele «jabaıy jaǵajaılar». Sodan keıin sol jerde shomylǵandardy anyqtaıdy.
Tótenshe jaǵdaılar mınıstrliginiń podpolkovnıgi Almaty turǵyndary men qonaqtaryn qalqandar men qorshaýlar belgisiniń artynda jaǵadan alys júzbeýge, ruqsat etilgen jerde ǵana shomylýǵa shaqyrdy.
«Eger siz júze almaıtyn bolsańyz, ruqsat etilgen jerde shomylsańyz da, belden joǵary sýǵa kirmeńiz. Balalardy qaraýsyz qaldyrmańyz, shomylý kezinde bir-birine qarańyz. Qaıyqtardan, kópirlerden jáne aılaqtardan sýǵa sekirmeńiz, uzaq ýaqyt júzbeńiz, tońyp jáne sharshap qalýyńyz múmkin. Sondaı-aq, túngi ýaqytta jáne mas kúıde shomylý qaýipti», - dep atap ótti Isqar Savazov.
Almatylyq qutqarýshylar «Delfın» sport kesheniniń baseınindegi «Januıa» mamandandyrylǵan kesheniniń tárbıeleýshilerine sabaq ótkizdi.
Sonymen qatar, sporttyq daryndy balalarǵa arnalǵan respýblıkalyq mektep-ınternat bazasynda. Q. Ahmetova «Úmit» sańyraý múgedekterdi qoldaý ortalyǵy qoǵamdyq qorynyń tárbıelenýshilerine júzý sabaǵyn ótkizdi.
Almaty qalasy ákimdiginiń qoldaýymen, «Sporttyk Almaty» baǵdarlamasy aıasynda, qalanyń sport basqarmasy TJ Departamentimen birlesip, «Medına» SK, Aqua stars baseınderi bazasynda shomylý maýsymy bastalǵannan beri balalardy júzýge úıretýde. Shomylý maýsymy kezeńinde barlyǵy 2 100 adamdy oqytý josparlanýda.
