Almaty qalasynyń 9-synyp bitirýshiler úshin qorytyndy mektep bitirý emtıhandary 2 - 13 maýsym aralyǵynda ótedi, al 11-synyp bitirýshiler úshin memlekettik emtıhandar 5 – 19 maýsym aralyǵynda bolady. Aqparatty ÓKQ brıfıńinde Almaty qalasy bilim basqarmasy basshysynyń orynbasary Janat Aıtpaeva aıtty. Sondaı-aq, ol bitirý keshin qalaı ótkizý usynylǵanyn aıtty, dep habarlaıdy almaty-akshamy.kz
Esterińizge sala keteıik, Ulttyq biryńǵaı testileý (UBT) jylyna 4 ret (qańtar-aqpan, naýryz, mamyr-shilde, tamyz) ótkiziledi. Qazirgi ýaqytta 18 mamyrdan 5 shildege deıin ál-Farabı atyndaǵy QazUÝ bazasynda ótkiziledi.
Jýrnalıserdiń suraqtaryna jaýap bere otyryp, Janat Aıtpaeva tehnıkalyq jáne kásiptik bilim berý uıymdary úshin dıplomdardy saltanatty túrde tapsyrý rásimin 28 maýsym men 1 shildearalyǵynda ótkizý usynylatynyn aıtty.
Jalpy orta bilim berý týraly atestatty 11-synyp túlekterine tapsyrý saltanatyn óz mektepteriniń qabyrǵasynda 20-22 maýsymda ótkizýdi usynylady.
"Bilim basqarmasy synyp saǵattary men saltanatty jıyn uıymdastyrý kezinde dıplomdar men sertıfıkattardy saltanatty túrde tabystaý bolatynyn eske salady, pedagogıkalyq etıkany saqtaý jáne sybaılas jemqorlyq quqyq buzýshylyqtardyń aldyn alý maqsatynda is-sharalardy ótkizýge, anımatorlardy, demalys agenttikterin, jeke stýdıalardy tartý úshin ata-analardan qarajat jınaýǵa jol berilmeıdi. Sonymen qatar, mektep ákimshiligi men muǵalimderge syılyq retinde qarajat jınaýǵa tyıym salynady", - dep atap ótti bilim basqarmasy basshysynyń orynbasary.