26 tamyzda Almatynyń Qala qurylys keńesiniń músheleri uıymdyq máselelerdi talqylaý boıynsha aldyn ala otyrys ótkizdi
Ashyq daýys berý arqyly Keńes tóraıymy bolyp belgili sáýletshi-qala salýshy Lúbov Nysanbaeva, onyń orynbasarlyǵyna ýrbanısshi Asqat Sadýov, hatshylyǵyna «Almatybasjospar» ǴZI» JSHS dırektorynyń orynbasary Aınur Sarbaeva saılandy. Kandıdattar bir jyl merzimge saılandy, dep habarlaıdy Almaty-akshamy.kz.
Jobalardy qaraý jónindegi Qala qurylysy keńesiniń alǵashqy otyrysy aǵymdaǵy jyldyń 14 qyrkúıeginde saǵat 9.00-de ótedi. Keńes otyrysy aıyna keminde 2 ret «Almatybasjospar» ǵımaratynda keńesýshi organ belgilegen jumys kestesi boıynsha (ár aıdyń 2 jáne 4-shi sársenbisinde) ótkiziledi.
Keńes músheleriniń sáýlettik-keńistik jáne sáýlettik- josparlaý týraly tolyq maǵlumat alýy úshin aldyn ala joba zertteýleri, tujyrymdama, bas jospar, eskız, joba jáne jumys jobasy sıaqty materıaldar usynylýy múmkin.
Keńes jobalardy baǵalaýdyń kelesi krıterıılerin anyqtady:
- bas josparǵa jáne túbegeıli josparlaýdyń bekitilgen jobalaryna sáıkestigi;
- fýnksıonaldyq aımaqtarǵa bólý, qyzyl syzyqtar men jer betiniń tik belgilerin saqtaý sáıkestigi;
- joba ýchaskeniń ornalasqan aýdanyndaǵy turǵyn úı qorynyń tyǵyzdyǵy qalanyń bas josparyna jáne egjeı-tegjeıli josparlaý jobalaryna sáıkestigi;
- jobalanǵan jobada áleýmettik nysandardyń bolýy;
- sáýlettik-keńistiktik stıli jaǵynan qalanyń túbegeıli josparlaý jobalary men bas josparyna sáıkestigi;
- ınjenerlik jelilerdiń parametrleri qalanyń bas josparyndaǵy jáne túbegeıli josparlaý jobalary boıynsha jobalyq sheshimderdiń sáıkestigi.
Qaralǵan jobanyń nátıjeleri boıynsha keńes daýys berý arqyly eskertýlermen maquldaıdy, pysyqtaýǵa qaıtarady nemese bas tartady.
Bastysy, otyrysqa keńes músheleriniń keminde 2/3 bóligi qatyssa, qabyldanǵan sheshimder zańdy dep esepteledi. Daýys berýden qalys qalǵan keńes múshesi hattamaǵa óziniń erekshe pikiriniń mátinin qosa berýge mindetti.
Eske salsaq, Qala qurylysy keńesiniń quramyna sáýlet, qala qurylysy, ýrbanıstıka, kólik, ınklúzıa, ekologıa, kreatıvti ekonomıka, áleýmettaný, ekonomıka salalaryndaǵy sarapshylar endi.
Keńes músheleriniń árqaısysynyń óz salalary boıynsha tájirıbeleri mol ekenin atap ótken jón. Eń mańyzdysy, Keńes otyrystarynda qaralatyn máselelerdiń erekshelikterine qaraı ózge de sarapshylar shaqyrylady ári qatysa alady. Osylaısha, qala qurylysy men sáýlet jobalarynyń barlyq aspektileri qatar zertteletin bolady.
Qala qurylysy keńesi iske asyrýǵa usynylatyn qala qurylysy jáne sáýlet jobalary boıynsha sheshimderdi ashyq talqylaý jáne qabyldaý úshin Almaty qalasynyń ákimi Erbolat Dosaevtyń tapsyrmasy boıynsha Qala qurylysy keńesi qurylǵan bolatyn.