Qatysýshylar óz ótinishterin 8 qyrkúıekke deıin jiberýi tıis.
Almaty qalasynyń Óńirlik komýnıkasıalar qyzmeti Qala kúnine oraı «Almaty qalasynyń damýy týraly» taqyrybyna úzdik jarıalymdarǵa qalalyq jáne respýblıkalyq BAQ arasynda konkýrs jarıalaıdy, dep habarlaıdy Almaty-akshamy.kz.
Konkýrsqa BAQ-ta jarıalanǵan jáne 2022 jyldyń 1 qańtarynan bastap 1 qyrkúıekke deıin efırde habarlanǵan materıaldar qabyldanady.
Nomınasıalar:
1) Almaty ómiri týraly úzdik avtorlyq jarıalanym (qazaqsha/oryssha).
2) Almaty ómiri týraly úzdik beınematerıaldar (qazaqsha/oryssha).
3) Almaty ómiri týraly úzdik fotojumys (qazaqsha/oryssha).
4) Internet-resýrstaǵy Almaty ómiri týraly eń úzdik longrıd (qazaqsha/oryssha).
5) Internet-pablıktegi (qazaqsha/oryssha) Almaty ómiri týraly úzdik jarıalanym.
6) Áleýmettik jelilerdegi Almaty ómiri týraly blogerdiń úzdik jarıalanymy (qazaqsha/oryssha).
7) Áleýmettik jelilerdegi Almaty týraly úzdik suhbat (qazaqsha/oryssha).
8) Áleýmettik jelilerdegi Almaty týraly úzdik beınerolık (qazaqsha/oryssha).
Konkýrsqa qatysý úshin ótinish (ótinish berýshiniń T.A.Á., BAQ ataýy, materıaldyń elektrondyq nusqasy jáne materıalǵa silteme (bir ótinish berýshiden 3 materıalǵa deıin), nomınasıanyń naqty nusqaýy, baılanys derekteri) aǵymdaǵy jyldyń 8 qyrkúıegine deıingi merzimde Almaty qalasy Óńirlik komýnıkasıalar qyzmetiniń elektrondyq mekenjaıyna: info@rsk.almaty.kz «Konkýrsqa qatysý úshin» mátinimen jiberilýi tıis.
Baıqaý jeńimpazdary ár kategorıadan baǵalyq syılyqtarmen jáne gramotalarmen marapattalady.