Almaty qalasy Kásipkerler palatasynyń janyndaǵy Týrızm keńesi qala áýejaıyndaǵy taksı qyzmetteriniń qunyna taldaý júrgizdi. Óńirlik komýnıkasıalar qyzmetiniń brıfıńinde palata tóraǵasynyń mindetin atqarýshy Narıman Ibragımov josyqsyz taksı júrgizýshiler máselesi rettelgenin aıtty, dep habarlaıdy Almaty-akshamy.kz.
Salalyq komıtetpen tarıfter usynylyp, áýejaı aýmaǵynda taksı baǵalary kórsetilgen tıisti stendter ilindi.
"Týrısik maýsym aıynyń basynda, eki apta ishinde jumys toby taksıge tapsyrys berý qyzmetterin usynatyn AparuTaxi, Region, Yandex Taxi, Uber, Blue Sky Energy jáne t.b. qunyn taldap, sapardyń ortasha baǵasy esepteldi. Jolaýshylardy tasymaldaý tarıfteri bastapqy jáne baratyn pýnktke deıin qashyqtyqqa ári taksı klasyna baılanysty 1200-den 12000 teńgege deıin ózgeredi. Eń joǵary quny áýejaı termınalynan “Shymbulaq” taý shańǵysy kýrortyna deıingi taksıdiń premıým-segmentinde kórsetiledi”, - dep bólisti ol.
Aıtyp ótý kerek, Almaty qalasynyń týrızm jónindegi Keńesi quramyna Almaty qalasynyń kásipkerler Palatasynyń, Avıasıalyq kólik prokýratýrasynyń, Almaty qalasy týrızm basqarmasynyń, Almaty qalasy halyqaralyq áýejaıynyń, Túrksib aýdany İİB JPQ, Almaty qalasy memlekettik kirister departamentiniń, Almaty qalasy İİD-niń, Qazaqstandyq týrısik qaýymdastyqtyń, Almaty qalalyq TJK óńirlik palatasynyń ókilderi endi.
Óńirlik palata janynda týrızm, kreatıvti ındýstrıalar, bilim berý, densaýlyq saqtaý, kólik jáne logıstıka, qurylys salalary boıynsha 6 salalyq komıteti jumys isteıtinin atap ótken jón.
Spıker habarlaǵandaı, salalyq komıtetter bıznes-qoǵamdastyqpen, memlekettik bılik organdarymen tıimdi ózara is-qımyl jasaý maqsatynda, sondaı-aq bıznes sýbektileriniń qyzmetin damytý, jáne máselelelerin sheshý úshin quryldy.