Sel tasqyny kezindegi halyqtyń is-áreketi
2023 jylǵy 18 sáýirde BUU ǵımaratynyń bazasynda Almaty qalasy TJD qyzmetkerleri Iran, Vengrıa, Fransıa, Lıtva, Polsha, Qyrǵyzstan, Tájikstan, AQSH, Reseı, Qytaı, Túrkıa, Germanıa, Túrikmenstan, Úndistan, Koreıa, sondaı-aq BUU keńesshileri men Iýnesko ókilderi úshin azamattyq qorǵaý salasynda oqý sabaǵyn ótkizdi, dep habarlaıdy Almaty-akshamy.kz.
Sabaqtyń maqsaty-Almaty qalasynyń turǵyndary men qonaqtarynyń kaskadty oqytý ádisin qoldana otyryp, tótenshe jaǵdaılardaǵy júris-turys erejeleri týraly habardarlyǵyn arttyrý. Ádistiń máni mynada: oqytýdan ótken bas konsýldar óz elshilikterinde ne úırengenderin aıtyp beredi, osylaısha aqparatty tehnıkalyq qyzmetkerlerge deıin jetkizedi.
Sabaq aıasynda TJD qyzmetkerleri dıplomatıalyq korpýsqa «Jer silkinisine deıingi, jer silkinisi kezinde jáne odan keıingi halyqtyń is-áreketteri», «TJ jaǵdaıyndaǵy dabyl chemodany ishindegi zattar», «Qurylymdyq emes seısmıkalyq kúsheıtý», «TJ kezinde zardap shekken halyqty qabyldaý pýnktteri», «Halyqtyń is-áreketteri dabyly kezinde «Barlyǵynyń nazaryna!»», «Darmen» mobıldi qosymshasynyń jumys prınsıpi», «Sel tasqyny kezindegi halyqtyń is-áreketi» jáne «Órt qaýipsizdigi» qaǵıdalaryn jetkizdi.
Bas konsýldar TJD qyzmetkerlerine belsendi túrde suraqtar qoıyp, olarǵa tolyq jaýaptar aldy.
Almaty qalasyndaǵy QR SİM ókildigi basshysynyń orynbasary Islambek Raıymov sabaqty ótkizýge jáne baǵdarlamany daıyndaýǵa kómekteskeni úshin shyn júrekten alǵysyn bildirdi. Onyń pikirinshe, búginde tótenshe jaǵdaılardyń aldyn alý jáne olardy joıý salasyndaǵy yntymaqtastyq qajettiligi burynǵydan da kóp, sondaı-aq mundaı kýrstar dinı senimge, saıası, áleýmettik jáne mádenı baılanystarǵa qaramastan azamattardyń qaýipsizdik mádenıetin arttyrýǵa kómektesedi.