Adam quqyqtary jónindegi Ýákil men balalar ombýdsmany Almaty qalasy boıynsha QAJD №11 mekemesine bardy
Adam quqyqtary jónindegi ýákil Artýr Lastaev Almatyǵa jumys sapary aıasynda balalar Ombýdsmany Arýjan Saınmen birge Almaty qalasy boıynsha QAJD №11 túzeý mekemesine baryp, kámeletke tolmaǵan sottalǵandardy ustaý sharttaryn qarap, olardyń suraqtaryna jaýap berdi, - dep habaralıdy almaty-akshamy.kz
Negizinen, suraqtar sottalǵandardy shartty túrde merziminen buryn bosatýǵa, kezdesýlerdi uıymdastyrý men ótkizýdiń normatıvtik tártibine qatysty boldy.
«Sottalǵan azamattardyń jeke suraqtaryna jaýap berý keshendi jumystyń mańyzdy bóligi bolyp tabylady. Bul penıtensıarlyq júıedegi júıelik máselelerdi anyqtaýǵa múmkindik beredi. Barlyq kóterilgen máseleler jabyq mekemelerde ustalatyn adamdardyń quqyqtaryn qamtamasyz etý boıynsha odan ári sharalar qabyldaý úshin taldanatyn bolady», - dep atap ótti Lastaev.
Sonymen qatar Ombýdsman qalanyń QAJD basshylyǵymen birlesip mekemeniń turǵyn, turmystyq jáne óndiristik aýmaqtaryn qarady. Belgilengen talaptarǵa sáıkes keletin otrádtardy, asqanany, klýbty, kitaphananá, akt zalyn, medısınalyq kabınetti jáne uzaq kezdesýler ótkizýge arnalǵan bólmelerdi qarap shyqty.
İs-shara sońynda Ombýdsman №11 mekemedegi jınalys barysynda Almaty qalasy QAJD bólimsheleri men mekemeleriniń basshylaryna qylmystyq-atqarý júıesi mekemelerinde ustalatyn kámeletke tolmaǵandardyń quqyqtary men bostandyqtaryn qorǵaýdy saqtaý jónindegi Adam quqyqtary jónindegi ýákildiń óńirlik ókilimen ózara is-qımyl jasaýǵa shaqyrdy.
Adam quqyqtary jónindegi ýákildiń jáne onyń keńsesi qyzmetkerleriniń túzeý mekemelerine shyǵý saparlary turaqty negizde júrgiziletin bolady.