Búgin Almaty ákimi Erbolat Dosaev Bostandyq aýdany turǵyndarymen kezdesti.
Onyń barysynda aýdan turǵyndary basshylyqqa ózderin tolǵandyrǵan jaıttarǵa qatysty suraqtaryn qoıdy, dep habarlaıdy Almaty-akshamy.kz.
Aýdan turǵyndarynyń biri:
«Men Bostandyq aýdanynda "Alataý-2" baý-baqsha seriktestiginde turamyn. Mende burynǵy saıdyń ornynda Baganashil Hills kotej qalashyǵyn salý týraly suraǵym bar. 15 jyl buryn bul jyra toltyryldy. Endi olar kotej qalashyǵyn salýdy josparlap otyr - 74 kotejdi. Qurylystyń saldarynan keıbir kórshilerdiń úıleriniń qabyrǵalary jarylyp jatyr. Birneshe jyldan keıin bul barlyǵyna qıyndyq týdyrýy múmkin, óıtkeni jyra – qurǵaǵan ózen arnasy. Bul sý qaıta aǵýy múmkin, ony kez kelgen sý mamany rastaı alady», - degen máseleni kóterdi.
Oǵan Almaty qalasy qala qurylysyn baqylaý basqarmasynyń basshysy Baqytjan Naýryzbekov:
«Búgingi kúni biz qurylysty buzý úshin sotqa júgindik. Onda 10-ǵa jýyq nysannyń - JTQ, eki qabatty úılerdiń qurylysy zańsyz bastaldy. Qurylysqa tyıym salý boıynsha talap-aryz daıyndalý ústinde», - dep jaýap berdi.