Almatyda sporttyq gımnastıkadan kezekti, ıaǵnı, 6-shy jazǵy spartakıada bastaldy.
4 jylda bir ótetin baıraqty básekege 100-ge jýyq qatysýshy jınaldy. Iaǵnı, erler arasynda 40, áıelder arasynda 50 sportshy ózara myqtyny anyqtaıdy. Jarys 3 kúnge sozylady, dep habarlaıdy Almaty-akshamy.kz 24.kz-ke silteme jasap.
Osy aralyqta birneshe jas deńgeıi boıynsha jeńimpazdar anyqtalady jáne jalpy eseptegi úzdik aımaqtar da belgili bolady. Keıin jaqsy nátıje kórsetip, erekshe kózge túsken sportshylardan qos birdeı ulttyq qurama jasaqtalmaq. Iaǵnı, alǵashqysy jazda Qytaıdaǵy Azıa oıyndaryna qatyssa, keıingisi kúzde Belgıadaǵy álem chempıonatynda el namysyn qorǵaıdy. Aıta keteıik, álem chempıonatynda aldaǵy Parıj olımpıadasynyń joldamalary sarapqa salynady.
«Jarys jaqsy deńgeıde ótip jatyr. Eń bastysy – jaraqat alǵandar joq. Jyl ótken saıyn eldegi sporttyq gımnastıkanyń deńgeıi ósip keledi. Osy básekeler qorytyndysy boıynsha jeńimpazdarǵa sporttyq ataqtar beriledi. Buǵan qosa, halyqaralyq, qurlyqtyq jáne álemdik alamandarǵa qatysýǵa múmkindik ashylady», - deıdi sporttyq gımnastıkadan Qazaqstan áıelder quramasynyń bas bapkeri Nadıra Iýnýsova.