Qatysýshylardyń baıqaý jumystaryn akademıanyń halyqaralyq jáne ulttyq standarttar boıynsha sertıfıkattalǵan jobalaý menedjerleri qataryndaǵy baǵalaýshylar baǵalady.
Bul týraly Óńirlik komýnıkasıalar qyzmeti alańynda Almaty qalasy sıfrlandyrý basqarmasynyń basshysy Baıan Qońyrbaev málimdedi, dep habarlaıdy Almaty-akshamy.kz
Sıfrlandyrý basqarmasynyń «Almaty qalasynyń biryńǵaı derekter qoımasy» jobasy birden eki nomınasıa boıynsha Qazaqstan Project Management Awards-2021 baıqaýynyń jeńimpazy atandy: «Jergilikti atqarýshy organdar arasyndaǵy jyldyń úzdik jobasy» jáne «Jyldyń úzdik joba menedjeri».
QR Prezıdenti janyndaǵy Memlekettik basqarý akademıasynyń baıqaýyn uıymdastyrýshy joba menedjeri Aıda Dármenovaǵa 2021 jylǵy 7 jeltoqsanda «Altyn sapa» Ulttyq Kásipkerler palatasynyń jyl saıynǵy rásiminde marapatty tabys etti.
Baıqaýǵa ortalyq memlekettik jáne jergilikti atqarýshy organdar, kvazımemlekettik sektor, bıznes ókilderi, úkimettik emes uıymdar, elimizdiń joǵary oqý oryndary qatysty. Bıyl «Úzdik joba», «Úzdik joba menedjeri» jáne «Úzdik jobalyq keńse» nomınasıalaryna 306 ótinim kelip tústi.
Eske salsaq, Almatynyń biryńǵaı derekter qoımasy bıyl iske qosyldy, oǵan qalalyq ákimdiktiń barlyq basqarmalarynan, vedimistik baǵynyshty komýnaldyq jáne seriktestik uıymdardan málimetter jınaqtalǵan. Ony ázirleý kezinde Sıngapýrdyń tájirıbesi paıdalanyldy, onda ulttyq jáne jergilikti deńgeıdegi memlekettik organdar 30 jyl boıy osylaı jumys istep keledi.