Koronavırýsqa qarsy vaksınalaý ımýnıtetti «kúsheıtedi», sondyqtan ata-analar balalardy qazir vaksınalaýy kerek.
№7 qalalyq klınıkalyq aýrýhananyń pedıatr dárigeri Qarlyǵash Baıdýllanyń aıtýynsha, vaksınalaýdan keıin jasóspirimder men júkti áıelderdiń ımýndyq júıesi ınfeksıadan qorǵalady, dep habarlaıdy Almaty-akshamy.kz
Qarlyǵash Baıdýlla budan buryn bolǵan barlyq indetterdiń vaksınalaý arqyly toqtatylǵanyn eske saldy. Keıbir ata-analar balalardyń tabıǵı ımýnıteti jetkilikti dep sanaıdy. Alaıda, dárigerdiń aıtýynsha, jynystyq jetilý jasyndaǵy jasóspirimderge bul ońaı soqpaıdy. Birinshiden, olar sanıtarlyq talaptardy jıi saqtaı bermeıdi, ekinshiden, olardyń denesi áldeqaıda jetilgen, ıaǵnı vırýspen ózara árekettesýdiń barlyq mehanızmderi uqsas keledi.
Pedıatr koronavırýstyń tórtinshi tolqyny kezinde qalada aýrýdyń «jasarýy» baıqalǵanyn, kóbinese balalardyń aýrýhanalarǵa jıi túsetinin eske saldy. Al balalardaǵy COVID-19-dyń saldary eresektermen birdeı.
Qarlyǵash Baıdýlla fızıologıanyń erekshelikterine baılanysty júkti áıelderdi vaksınalaý qajettiligi týraly aıtty.
«Munda eki maqsat bar: anany jáne balany qorǵaý. COVID-19-ǵa qarsy egýdiń qaýpi joq.. Biraq aýrýdyń ózi birqatar asqynýlarǵa ákeledi, sonyń ishinde koagýlopatıa, qan uıýynyń buzylýy, uryqtyń antenataldy ólimine, plasentarly bólinýge jáne qan ketýge ákeletin qan uıyǵyshtarynyń joǵarylaýy múmkin. Vaksınany 2-shi jáne 3-shi trımestrde alýǵa bolady, osy kezeńde vaksınanyń uryqqa áseri bolmaıdy, ol bul kezeńde qalyptasyp ketedi», - dep túsindirdi dáriger.
Sondaı-aq Qarlyǵash Baıdýlla vaksınalanǵan almatylyqtardy revaksınasıaǵa shaqyrdy. Onyń aıtýynsha, antıdeneler belgili bir ýaqyttan keıin kúshin joǵaltady. Sondyqtan úshinshi vaksınany alý usynylady. Revaksınasıadan ótý kezinde basymdyq qart adamdarǵa, sozylmaly aýrýlary bar adamdarǵa berilýi kerek.
Dáriger adam aǵzasy vırýs týraly aqparatty alǵashqy eki vaksınalaýdan keıin saqtaıdy, biraq eger ol uzaq ýaqyt boıy tıisti antıgenge tap bolmasa, ımýndyq júıeniń belgili bir bóligin tolyq daıyndyqta ustap tura almaıdy dep málimdedi.
«Mysaly, organızmdegi eki komponentpen vaksınalaýdan keıin antıdeneler sany 1000-nan 5000 birlikke deıin jetedi, biraq jarty jyldan keıin olardyń sany azaıady. Eger denede antıdeneler bolmasa, onda adam vırýsty tezirek juqtyrady. Al revaksınasıa – bul aǵzaǵa antıdenelerdiń qosylýy», - dep túsindirdi dáriger.