Sottyń málimetinshe, 2023 jyldyń qazan aıynda, kúdikti P. adamdar tobynyń aldyn ala sóz baılanysýymen telegram kanal arqyly 12,04 gram mólsherinde psıhotroptyq zattardy ótkizý maqsatynda zańsyz ıemdengen, keıinnen óziniń basqarýyndaǵy avtokólikte saqtaǵan, dep habarlaıdy aqshamnews.kz
Polısıa qyzmetkerlerimen kúdiktiniń basqarýyndaǵy avtokólikti toqtatyp, tintý barysynda avtokólikten 25 dana psıhotroptyq zattar anyqtalǵan.
«Alqabılerdiń qatysýymen shyǵarylǵan sottyń úkimine sáıkes, P-nyń adamdar tobynyń aldyn ala sóz baılanysýymen asa iri mólsherde psıhotroptyq zattardy ótkizý maqsatynda zańsyz ıemdengendigi jáne saqtaǵany dáleldendi. Sottalýshynyń jaýaptylyǵy men jazasyn aýyrlatatyn mán-jaı anyqtalmady. Jeńildetetin mán-jaı retinde onyń jasy (19 jas) tanyldy. Sottalýshyǵa 10 jylǵa bas bostandyǵynan aıyrý jazasy taǵaıyndaldy», - delingen sot habarlamasynda.
Úkim zańdy kúshine engen joq.