1. Suraq: «Invataksı» qyzmetin alýǵa kim quqyly?
«Invataksı» áleýmettik qyzmeti júrip-turýynda qıyndyqtary bar (onyń ishinde kreslo-arbany paıdalaný) múgedektigi bar adamdar men múgedektigi bar balalardy kórý qabileti buzylǵan, sondaı-aq aýtızm spektri buzylǵan (ASB) adamdardy kólikpen tasymaldaýǵa arnalǵan.
Kelesi mekemelerdi qosa alǵanda, áleýmettik mańyzy bar obektilerge barý úshin usynylady:
· densaýlyq saqtaý;
· bilim berý;
· áleýmettik qorǵaý;
· jergilikti ózin-ózi basqarý organdary;
· quqyq qorǵaý qurylymdary.
Múgedek adamdardy avtomobıl kóligimen tasymaldaý boıynsha qyzmetter kórsetý qaǵıdalaryna sáıkes (QR Kólik jáne komýnıkasıa mınıstriniń m.a. 2013 jylǵy 1 qarashadaǵy №859 buıryǵy) qyzmetke kelesi sanattaǵylardyń quqyǵy bar:
· kreslo-arbamen qozǵalatyn múgedektigi bar adamdar;
· tirek-qımyl apparaty buzylǵan múgedek balalar;
· kórý qabileti buzylǵan múgedekter;
· kórý qabileti buzylǵan múgedek balalar;
· ASB (aýtızm) dıagnozy bar múgedek balalar.
Qyzmet birinshi kezekte:
· jumys nemese oqý kestesine sáıkes múgedektigi bar jumys isteıtin jáne bilim alatyn adamdarǵa kórsetiledi.
Qalǵan barlyq basqa sanattarǵa - ótinimderdiń túsýine qaraı qyzmet kórsetiledi.
Qyzmetti resimdeý úshin:
1. Tirkelgen jeri boıynsha ákimdiktiń jumyspen qamtý jáne áleýmettik baǵdarlamalar bólimine habarlasý kerek;
2. Kelesi qujattardy usyný qajet:
· ótinish (erkin nysanda);
· jeke kýáliktiń kóshirmesi;
· DKK qorytyndysy (026/ý nysany);
· múgedektik týraly anyqtamanyń kóshirmesi (medısınalyq-áleýmettik saraptama qaǵıdalaryna 13-qosymsha boıynsha nysan).
Qosymsha joǵaryda kórsetilgen qujattardyń kóshirmeleri qyzmetti paıdalaný úshin qajetti «Ońaı» kartasyn resimdeý úshin ákimdikter janynda jumys isteıtin Kólik holdıńiniń bólimshesine beriledi.
Saparǵa ótinim berý tártibi:
· «Invataksıge» ótinim telefon arqyly boljamdy saparǵa bir táýlik qalǵanda beriledi;
· Shyǵý men kelýdiń naqty ýaqyty men mekenjaıyn kórsetý qajet.
2. Suraq: Jumyssyzdyq boıynsha járdemaqyny qalaı alýǵa bolady?
Qazaqstan Respýblıkasy Áleýmettik kodeksiniń 113 baby 1 tarmaǵyna sáıkes jumysynan aıyrylý jaǵdaıy boıynsha áleýmettik tólem alýǵa bir mezgilde mynadaı sharttarǵa sáıkes keletin adamdardyń quqyǵy bar:
1. Mindetti áleýmettik saqtandyrý júıesinde tirkelgen;
2. Olar úshin buryn áleýmettik aýdarymdar jasalǵan;
3. Resmı jumyssyz mártebesine ıe (QR Áleýmettik kodeksiniń 114-babynyń 3 tarmaǵy).
Áleýmettik tólem Memlekettik áleýmettik saqtandyrý qorynan (MÁSQ) júzege asyrylady jáne joǵalǵan tabystyń 45% quraıdy, biraq zańda belgilengen normatıvterden aspaıdy.
Jumyssyz mártebesin qalaı alýǵa bolady:
Jumyssyz mártebesi:
· Enbek.kz jáne Egov.kz portaldary;
· Egov Mobile mobıldi qosymshasy;
· Eńbek mobıldiligi ortalyqtary (mysaly, Almaty q.: Dostyq dańǵyly, 85, tel. 8 (727) 310 47 82, saıt: http://ctm-almaty.kz) arqyly beriledi.
Járdemaqyǵa qalaı ótinish berýge bolady:
Járdemaqy alýǵa ótinish:
· Eńbek mobıldiligi ortalyǵy arqyly;
· HQKO-ǵa (jumyssyz mártebesi rastalǵan jaǵdaıda);
· Enbek.kz elektrondyq eńbek bırjasy arqyly;
· Egov.kz portaly arqyly;
· Egov mobile mobıldi qosymshasy arqyly berilýi múmkin.
Ótinish berý merzimi - jumysynan aıyrylǵan sátten bastap 12 aıdan keshiktirilmeı beriledi.
Tóleý merzimderi áleýmettik aýdarymdar ótiline baılanysty:
· 6 aıdan 12 aıǵa deıin-tólem 1 aı;
· 12 aıdan 24 aıǵa deıin - 2 aı;
· 24 aıdan 36 aıǵa deıin - 3 aı;
· 36 aıdan 48 aıǵa deıin - 4 aı;
· 48 aıdan 60 aıǵa deıin - 5 aı;
· 60 aıdan astam - 6 aı.
Tólenetin somadan BJZQ-ǵa aýdarylatyn 10% mólsherinde mindetti zeınetaqy jarnalary ustalady.
Járdemaqy tóleýdi toqtatý úshin negizder:
1. Alýshynyń qaıtys bolýy (tólem qaıtys bolǵan aıdy qosa alǵanda júzege asyrylady);
2. Kúmándi aqparat usyný;
3. Alýshy tarapynan tólemderdi toqtatýǵa ótinish berý;
4. Jumyssyz retinde esepten shyǵarý;
5. Qazaqstan Respýblıkasynyń azamattyǵyn toqtatý.
Osylaısha járdemaqy alý úshin rastalǵan saqtandyrý ótili bolýy, jumyssyz retinde tirkelýi jáne qol jetimdi arnalar arqyly ýaqtyly ótinish berýi qajet.
3. Suraq: Bıznesti damytýǵa 5 mln teńgege deıin grant alý úshin ne qajet?
Almaty qalasy Kásipkerlik jáne ınvestısıalar basqarmasy memlekettik qoldaý sharalaryn iske asyrý sheńberinde áleýmettik kásipkerlik sýbektilerine, sondaı – aq «Bir aýyl - bir ónim» baǵdarlamasynyń (BABÓ) fınalısteri dep tanylǵan shaǵyn jáne orta kásipkerlik sýbektilerine 5 mln teńgege deıingi mólsherde óteýsiz granttar berýge konkýrs ótkizedi.
Konkýrs búdjet qarajaty bolǵan jaǵdaıda jylyna keminde bir ret ótkiziledi. Qarjylandyrý konkýrstyq negizde usynylady.
Alýshylardyń sanattary:
1. Áleýmettik kásipkerlik sýbektileri - áleýmettik kásipkerlik sýbektileriniń tizilimine engizilgen jeke kásipkerler jáne zańdy tulǵalar (iri kásipkerlik sýbektilerin qospaǵanda).
2. BABÓ baǵdarlamasynyń fınalısteri – aýyldyq aýmaqtardy damytýǵa baǵdarlanǵan jergilikti shıkizattan ónimdi ázirleýge, óndirýge jáne ilgeriletýge baǵyttalǵan «Bir aýyl - bir ónim» jobasynyń qatysýshylary.
Grant alý tártibi:
1. Áleýmettik kásipkerlik tizilimine engizý áleýmettik kásipkerlik sýbektisi mártebesin alý úshin Qazaqstan Respýblıkasy Ulttyq ekonomıka mınıstriniń m.a. 2023 jylǵy 17 shildedegi №140 buıryǵymen bekitilgen Áleýmettik kásipkerlik sýbektileriniń tizilimin júrgizý qaǵıdalaryna sáıkes qujattardy usyný qajet. Qujattardy qabyldaý toqsan saıyn aıdyń 1-nen 15-ne deıin júzege asyrylady.
2. Konkýrsqa qatysý
Konkýrsqa qatysýǵa ruqsat belgilengen irikteý rásiminen ótkennen keıin jáne búdjetten qarjy bólingen jaǵdaıda ǵana múmkin bolady.
Baılanys aqparaty:
· Mekenjaıy: Almaty q., Baızaqov k-si, 303, 302 kabınet
· Telefon: +7 (727) 390-20-69
Qujattardy tapsyrýǵa jáne konkýrsqa qatysýǵa baılanysty máseleler boıynsha múddeli tulǵalarǵa tikeleı Almaty qalasy Kásipkerlik jáne ınvestısıalar basqarmasyna júginý usynylady.
4. Suraq: Tutynýshylar esepteý aspaptaryn ózderi ornata alady ma?
Qazaqstan Respýblıkasy Ulttyq ekonomıka mınıstriniń 2015 jylǵy 28 tamyzdaǵy №621 (Qazaqstan Respýblıkasynyń Ádilet mınıstrliginde 2015 jyl 25 qyrkúıekte №12111 bolyp tirkeldi) buıryǵymen bekitilgen Sýmen jabdyqtaý jáne sý burý júıelerindegi sýdy esepke alý aspaptaryn tańdaý, montajdaý jáne paıdalaný qaǵıdalarynyń 4 tarmaǵyna sáıkes esepke alý torabyn montajdaý, jobalaý, qaıta montajdaýdy (bastapqy jáne keıingi ornatý) qosqanda, jabdyqtaý boıynsha barlyq jumystardy 2014 jylǵy 16 mamyrdaǵy «Ruqsattar jáne habarlamalar týraly» Qazaqstan Respýblıkasynyń Zańyna sáıkes ruqsaty bar uıymdar oryndaıdy.
Esepke alý aspaptaryn ornatýdy, aýystyrýdy jáne tekserýdi qoldanystaǵy normatıvter men zańnama talaptaryna qatań sáıkes qajetti ruqsat qujattary men sertıfıkattary bar lısenzıalanǵan kompanıalar ǵana oryndaı alady.
Tutynýshylardyń esepke alý aspaptaryn óz betinshe ornatýyna jol berilmeıdi. Ýákiletti uıymdy tartpaı ornatylǵan aspaptardy paıdalaný esepke alýdy jaramsyz dep tanýǵa, sondaı-aq quqyqtyq jáne qarjylyq saldardyń týyndaýyna ákep soǵýy múmkin.
Sýyq sýdy esepke alý aspaptaryn ornatýdy, aýystyrýdy jáne tekserýdi júzege asyratyn akkredıttelgen uıymdardyń tizbesi «Almaty Sý» MKK resmı saıtynda «tutynýshylar - barlyǵy eseptegishter týraly» bóliminde ornalastyrylǵan:(https://almatysu.kz/?page_id=542&lang=ru).
5. Suraq: Týberkýlez, AITV-ǵa jáne onkologıalyq aýrýlar boıynsha tegin tekserýden qaı jerde ótýge bolady?
Qazaqstan Respýblıkasy Densaýlyq saqtaý mınıstriniń mindetin atqarýshynyń 2020 jylǵy 30 qazandaǵy №QR DSM-174/2020 (2024 jylǵy 16 tamyzdaǵy №62 redaksıada) «Skrınıngtik zertteýlerge jatatyn adamdardyń nysanaly toptaryn, sondaı-aq osy qarap-tekserýlerdi ótkizýdiń qaǵıdalaryn, kólemi men kezeńdiligin bekitý týraly» buıryǵyna sáıkes josparly skrınıngtik tekserýlerge jatatyn halyqtyń jas jáne áleýmettik toptary begilendi.
Týberkýlezge, AITV-ǵa jáne onkologıalyq aýrýlarǵa tekserýler tirkelgen jeri boıynsha memlekettik emhanalarda tegin medısınalyq kómektiń kepildik berilgen kólemi (TMKKK) sheńberinde tegin júrgiziledi. Tekserýden ótý úshin azamatqa:
· tirkelgen jeri boıynsha emhanaǵa habarlasý;
· skrınıngtik tekserýge joldama alý;
· emhana janynan jumys isteıtin beıindi kabınetterde dıagnostıkadan ótý qajet.
Skrınıngtik tekserýler kelesini qamtıdy:
· flúorografıa (týberkýlezdi anyqtaý úshin);
· AITV-ǵa jedel testileý;
· onkologıalyq aýrýlardy erte anyqtaýǵa baǵyttalǵan zertteýler (naýqastyń jasyna jáne jynysyna baılanysty).
Osylaısha nysanaly toptarǵa kiretin memlekettik emhanaǵa tirkelgen barlyq adamdar belgilengen normatıvter boıynsha tegin skrınıngten ótýge quqyly.