44 sý aıdynynyń 9-y qaýipti.
Osy qaýipti sý aıdyndarynyń ýchaskelerinde «Shomylýǵa tyıym salynady!» 33 belgi jáne sońǵy 5 jylda sýǵa batqandar týraly statısıkalyq derekteri kórsetilgen 7 aqparattyq stend ornatylǵan, dep habarlaıdy Almaty-akshamy.kz Almaty qalasynyń Tótenshe jaǵdaılar departamentine silteme jasap.
Almaty qalasynda jáne taý bókterindegi aýdandarda barlyǵy 44 sý aıdyny (ózender, kólder, kanaldar, toǵandar) bar, olardyń 9-y shomylý maýsymy kezinde halyqqa qaýip tóndiredi, atap aıtqanda:
1. Úlken Almaty ózeni, Shańyraq sh/a, Alataý aýdany;
2. Úlken Almaty ózeni, Darhan sh/a, Alataý aýdany;
3. Úlken Almaty ózeni, (Ál-Farabı-Naýaı) Bostandyq aýdany;
4. Pervomaıskıı toǵandary,Kemel sh/a, Jetisi aýdany;
5. Kishi Almaty ózeni (Býtakovkaǵa burylys) Medeý aýdany;
6. Iýnatskoe kóli, Medeý aýdany;
7. Aqsaı ózeni, Naýryzbaı aýdany;
8. Aeroportskoe ózeni, Túrksib aýdany;
9. Qarasý ózen saǵasy (Shestýha), Túrksib aýdany.
Sonymen qatar, Almaty qalasy ákimdiginiń 2019 jylǵy 9 shildedegi № 3/447 «Almaty qalasynyń sý obektileri men sý sharýashylyǵy qurylystarynda jappaı demalýǵa, týrızmge jáne sportqa arnalǵan oryndardy belgileý týraly» qaýlysymen sýda jappaı demalýǵa arnalǵan 4 oryn anyqtaldy, bul «Saıran» kóliniń batys jáne shyǵys bólikteri, sondaı-aq «Gúlder» demalys aımaǵy jáne «Baýma» toǵaıy D. Qonaev atyndaǵy Úlken Almaty kanalynyń boıyndaǵy jaǵajaı aımaǵy.
Qazirgi ýaqytta Saıran kólinde irgeles aýmaqty abattandyrý jumystary júrgizilýde, onyń aıaqtalýy 2024 jyldyń jeltoqsanynda josparlanǵan.
D.Qonaev atyndaǵy Úlken Almaty kanalyn gıdrotehnıkalyq qurylystarmen kúrdeli jóndeýge baılanysty aǵymdaǵy jyly Úlken Almaty kanalyn sýmen toltyrý josparlanbaıdy.