Áleýmettik jelilerde aǵymdaǵy jyldyń 31 mamyrynda jergilikti atqarýshy organdarmen kelisilgen mıtıńiler men sherýlerge qatysý týraly jalǵan habarlamalar men arandatýshylyq úndeýler keńinen taralýda.
Bul kúnderi Almaty qalasynda qandaı da bir beıbit jınalystar ótkizý kelisilmegen, dep habarlaıdy Almaty-akshamy.kz
«Qurmetti Almaty qalasynyń azamattary men turǵyndary!
Bul aqparat shyndyqqa sáıkes kelmeıtinin habarlaımyz.
Osyǵan baılanysty, jalǵan habarlamalarmen jarıalanǵan aksıalardy uıymdastyrý jáne olarǵa qatysý, sondaı-aq olarǵa shaqyrý zańsyz bolyp tabylatynyn eskertemiz. Ókinishke oraı, mıtıńilerdi nemese ózge de beıbit jınalysty ótkizýdiń
zańdy tártibin birneshe ret túsindirýge qaramastan, ony buzý oryn alyp kelýde.
Beıbit jınalystardy ótkizý tártibi 2020 jylǵy 25 mamyrda qabyldanǵan "Qazaqstan Respýblıkasynda beıbit jınalystardy uıymdastyrý jáne ótkizý tártibi týraly" Zańmen (budan ári - zań) bekitilgenine nazar aýdaramyz.
Tıisinshe, zań talaptaryn buza otyryp ótkiziletin mıtıńilerdi, sherýlerdi, jınalystardy nemese demonstrasıalardy uıymdastyrý jáne olarǵa qatysý (Zańnyń 3 - babynyń 3-tarmaǵy) Ákimshilik quqyqbuzýshylyq týraly kodeksiniń 488-baby boıynsha jaýaptylyqqa, onyń ishinde 25 táýlikke deıin qamaqqa alý sharasyna ákep soǵady.
Zańdylyqty, qoǵamdyq qaýipsizdikti qamtamasyz etý, quqyq buzýshylyqtardyń aldyn alý, adam men azamattyń quqyqtary men bostandyqtaryn qorǵaý maqsatynda qoldanystaǵy zańnama normalaryn
múltiksiz saqtaýǵa, arandatýshylyqqa berilmeýge jáne zańsyz aksıalardy, olarǵa jarıa túrde shaqyrýlardy uıymdastyrýdan jáne olarǵa qatysýdan bas tartýǵa shaqyramyz.
Quqyq qorǵaý organdary belgilengen quqyqtyq tártipke qol suǵatyn kez kelgen quqyq buzýshylyqtardyń jolyn kesip, kináli adamdarǵa zańda kózdelgen barlyq sharalardy qabyldaıtyn bolady», - delingen habarlamada.