Qalada kene ensefalıtine qarsy dezınseksıalyq óńdeý jumystary júrip jatyr
Almaty qalasynda aǵymdaǵy jyldyń 16 mamyrdan jalpy aýdany 2424,54 ga bolatyn ormandy alqaptarda, qala saıabaqtary men skverlerinde kenelerge qarsy dezınseksıalyq óńdeý jumystarynyń ekinshi kezeńi bastalady dep habarlaıdy almaty-akshamy.kz
Óńdeý jumystarymen 8 ormandy alqap (kólemi - 1904,924 ga), 144 qala saıabaqtary men skverleri (kólemi – 519,616 ga) qamtylady jáne aýa-raıyna baılanysty (qurǵaq, jaýyn-shashynsyz kúnderi) kestege sáıkes 2022 jylǵy 16 mamyrdan 10 maýsymǵa deıin júrgiziledi.
Dezınseksıalyq is-sharany qalalyq sanıtarıalyq-epıdemıologıalyq baqylaý qyzmetiniń mamandarynyń tikeleı baqylaýymen «Almaty qalasynyń dezınfeksıa ortalyǵy» fılıaly atqarady. Jasqtalǵan dezbrıgadalar qajetti quraldarmen, kóliktermen jáne jeke bas qorǵanysh zattarymen jabdyqtalǵan. Kene ensefalıtine qarsy dezınseksıalyq óńdeý jumystaryn júrgizý úshin «Favorıt» akarısıdtik preparaty qoldanylady. Preparat az ýytty jáne qaýipti emes sanatyna jatqyzylady (3-4 top). Kenelermen kúresý úshin qoldanylatyn dozalar eń az jáne adamdar men janýarlar úshin qaýipsiz bolyp tabylady. Óńdeý jumystary tańǵy ýaqytta júrgiziledi. Óńdeletin aýmaqtardyń shekaralarynda «Kenege qarsy óńdeý júrgizilýde» eskertý habarlamasy bar belgiler ornatylady.
Qala turǵyndary tómende kórsetilgen saqtyq sharalaryn saqtaý qajet:
- akarısıdty preparattyń eritindisin denege nemese kıimge tıgizip almas úshin, kenege qarsy dezınseksıalyq óńdeý jumystary júrgizilgen jerlerden qashyqtaý júrý kerek;
- jerdegi shashyratqan preparat kepkenge deıin úı janýarlaryn óńdeý jumystary júrgizilgen jerlerge jibermeý kerek;
- óńdeý jumystary júrizilgen jerlerden 40 kún boıy sańyraýqulaq, shóp nemese jıdekterdi jınaýǵa jáne paıdalanýǵa bolmaıdy;
- qala turǵyndary men qonaqtary qala saıabaqtary men skverlerge, tabıǵı oshaqtarǵa kenelerge qarsy óńdeý jumystary júrgizilgen kezde jáne odan keıin 3 kún ishinde barmaý kerek.