Qazaqstan jahandyq azyq-túlik tapshylyǵymen kúresýge daıyn.
Hab Ortalyq Azıa men Aýǵanstan úshin qyzmet etetin bolady. Bul týraly Prezıdent Qasym-Jomart Toqaevtyń Nú-Iorkke jumys sapary barysynda belgili boldy, dep habarlaıdy Almaty-akshamy.kz.
Prezıdent saparynyń negizgi maqsaty – BUU Bas Assambleıasynyń 77 sesıasyna qatysý. Jalpy debatta sóz sóılegen Toqaev memleketter egemendiginiń teńdigi, terıtorıalyq tutastyǵy jáne eldiń beıbit ómir súrýi sekildi qaǵıdatty saqtaýymyz kerek dedi. Uıymnyń basty ustanymy da sol.
Sonymen qatar, ekonomıkalyq jáne saıası sanksıalar azyq-túlik qaýipsizdigin qamtamasyz etý tizbegin joıyp, mıllıondaǵan adamǵa, ásirese qoǵamnyń osal toptaryna qaýip tóndiretin «jańa normaǵa» aınalǵanyn jetkizdi. Bul másele tez arada sheshimin tabý kerek degen Memleket basshysy Qazaqstan jahandyq azyq-túlik tapshylyǵymen kúresýge daıyn ekenin málimdedi.