Almaty qalasynda 5 jastan 18 jasqa deıingi 5 000-nan astam bala men jasóspirim «Balalar Fýtbol Lıgasy» aıasyndaǵy jyl saıynǵy qalalyq fýtbol chempıonatyna tegin qatysady, dep habarlaıdy Aqshamnews.kz.
Bul týrnır qatarynan tórtinshi jyl ótkizilip otyr jáne Almaty qalasy ákimdiginiń qoldaýymen júzege asyrylýda. Chempıonat megapolıstiń barlyq aýdanynan júzdegen jas fýtbolshyny biriktiredi.
Jobanyń ereksheligi
Lıganyń basty ereksheligi — oıyn formatyn qatysýshylardyń jas erekshelikterine beıimdeý. Machtar FIFA-nyń balalar men jasóspirimder fýtbolyn damytý jónindegi halyqaralyq usynymdaryna sáıkes uıymdastyrylady:
7–10 jas — 6×6 formaty
10 jas — 7×7 formaty
11–12 jas — 9×9 formaty
13–18 jas — 11×11 formaty (tolyq ólshemdi alań)
- Bul jas sanatynda «A» dıvızıonynyń komandalary: akademıalar, balalar ortalyqtary jáne daıyndyq toptary qatysady.
Mundaı tásil balalarǵa fýtboldyń úlken formatyna birtindep beıimdelýge, tehnıkalyq jáne taktıkalyq daǵdylardy damytýǵa múmkindik beredi.
Týrnır aýqymy
Bıylǵy maýsymda 13 jas sanaty boıynsha bólingen 300-den astam komanda qatysady. Bul chempıonatty Almaty qalasyndaǵy eń aýqymdy jáne bedeldi balalar fýtbol týrnıri etedi. Týrnırge sport mektepteri, akademıalar, klýbtar men úıirmeler qatysady.
Áleýmettik jáne sporttyq áseri
Joba kelesi baǵyttarda oń áser beredi:
- buqaralyq balalar sportyn damytý;
- qalalyq sport ınfraqurylymyn nyǵaıtý;
- jastar arasynda salaýatty ómir saltyn nasıhattaý;
- bolashaǵy bar jas fýtbolshylardy anyqtaý jáne qoldaý.