Almatyda onlaın tanysý arqyly uıymdastyrylǵan tonaý oqıǵasyna qatysty úsh kúdikti – eki er adam men bir áıel ustaldy, dep habarlaıdy Aqshamnews.kz Polisia.kz-ke silteme berip.
Almaly aýdandyq polısıa basqarmasynyń málimetinshe, qala turǵyny tanysý qosymshasy arqyly bir qyzben tanysyp, onyń úıine barǵan. Alaıda áńgime barysynda qyzdyń eki er tanysy kelip, jábirlenýshini qorqytyp, onyń qundy zattaryn tartyp alǵan. Keıin kúdiktiler oqıǵa ornynan boı tasalaǵan.
Polısıa jedel áreket etip, kúdiktilerdi izin sýytpaı ustaǵan. Qazir olar ýaqytsha ustaý ızolátoryna qamaldy. Qylmystyq kodekstiń "tonaý" babymen is qozǵaldy.
Almaly aýdandyq polısıa basqarmasynyń bastyǵy Maqsat Pshan mundaı sqema buǵan deıin de qalanyń ózge aýdandarynda tirkelgenin atap ótti. Ol azamattardy ınternet arqyly tanysý kezinde barynsha saq bolýǵa shaqyrdy:
"Azamattardy ınternet arqyly tanysý kezinde, ásirese alǵashqy kezdesýlerde, asa muqıat bolýǵa shaqyramyz", – dedi Almaly aýdandyq polısıa basqarmasynyń bastyǵy Maqsat Pshan.
Almaty qalalyq polısıa departamenti azamattardy qyraǵy bolýǵa shaqyrady: beıtanys adamdarǵa senbeý, kúmándi mekenjaılarǵa barmaý jáne jańa tanystarmen kezdesýge shyqqanda jaqyndaryna mindetti túrde habarlaý qajet.