Qazaqstannyń aty ańyzǵa aınalǵan ǵaryshkeri, avıasıa general-leıtenanty, Halyq qaharmany Talǵat Musabaevty aqtyq saparǵa shyǵarý rásimi 6 tamyzda Almatyda ótedi, dep habarlaıdy Aqshamnews.kz.
Bul týraly Almaty qalalyq "Qarýly Kúshter ardagerleri" respýblıkalyq qoǵamdyq birlestiginiń fılıaly habarlady. Rásim saǵat 09:00-de Ofıserler úıinde bastalady. Qoshtasýdan keıin 28 gvardıashy-panfılovshylar atyndaǵy saıabaqta mıtıń uıymdastyrylady. Talǵat Amangeldiuly Kensaı zıratyna jerlenedi.
Elge eńbegi sińgen ǵaryshker
Talǵat Musabaev 1951 jyly 7 qańtarda Almaty oblysy Jambyl aýdanynyń Qarǵaly aýylynda dúnıege kelgen. Ol – tehnıkalyq ǵylymdar doktory, 1994, 1998 jáne 2001 jyldary ǵaryshqa úsh ret ushqan kásibı ǵaryshker.
2007-2016 jyldar aralyǵynda Qazaqstannyń Ulttyq ǵarysh agenttiginiń tóraǵasy qyzmetin atqardy. Keıin, 2017-2023 jyldary Qazaqstan Respýblıkasy Parlamenti Senatynyń depýtaty boldy.
Eske salaıyq, Prezıdent Qasym-Jomart Toqaev aty ańyzǵa aınalǵan ushqysh-ǵaryshkerdiń dúnıeden ozýyna baılanysty kóńil aıtty.