Jer silkinisiniń epısentri Almaty oblysy Kegen aýdanynyń aýmaǵynda.
QR TJM «SOME» seısmıkalyq stansıalar jelisi 2022 jylǵy 15 qyrkúıek kúni Almaty ýaqytymen saǵat 10:25-te jer silkinisin tirkedi, dep habarlaıdy Almaty-akshamy.kz Almaty oblysy TJD baspasóz qyzmetine silteme jasap.
Jer silkinisiniń epısentri Almaty qalasynan shyǵysqa qaraı 145 km jerde Almaty oblysy Kegen aýdanynyń aýmaǵynda (Jalańash aýylynan 40 km qashyqtyqta) ornalasqan.
Jer silkinisiniń energetıkalyq klasy 7.2.
MPV magnıtýdasy 3.4.
Epısentrdiń koordınattary 43.24° s.e. 78.63° sh.b.
Tereńdigi 10 km.
Seziletindigi týraly málimetter (MЅK-64 shkalasy boıynsha): joq
Almaty oblysy TJ Departamenti aqparatty alǵannan keıin jergilikti atqarýshy organdardy, Polısıa Departamentin, Qazseldenqorǵaý, prokýratýra jáne basqa da uıymdardy habardar etti, senip tapsyrylǵan aýmaqtardaǵy jaǵdaı naqtylanýda, qıraýlar men qurbandar týraly habarlamalar túsken joq.
Almaty oblysynyń TJD jer silkinisi kezindegi áreketterdiń tártibi týraly eskertedi:
- ǵımarattan shyǵyńyz (sizdiń ıeligińizde 15-20 sekýnd);
- joǵarǵy qabattarda qalǵan jaǵdaıda balany qushaqtap alyp, esik oıyǵynyń ornyna nemese irgeli qabyrǵalardan quralǵan buryshta oryn alyp turyńyz;
- eshqandaı jaǵdaıda tereze janynda turmańyz jáne balkondardan sekirmeńiz.
- ǵımarattardan, qurylystardan, baǵanalar men qorshaýlardan alystap turyńyz;
- úıge kirmeńiz: dúmpýler qaıtalanýy múmkin;
- jedelsatyny paıdalanbańyz;
- sirińke, sham jaǵýǵa bolmaıdy;
- symdarǵa qol tıgizbeńiz;
- zardap shekkenderge alǵashqy kómek kórsetińiz.