Investısıalar áleýmettik salaǵa, onyń ishinde, densaýlyq saqtaýdy, bilim berýdi jáne jappaı sportty damytýǵa belsendi túrde tartylýda
Almaty qalasynyń negizgi kapıtalyna ústimizdegi jyldyń qańtar-aqpan aılarynda 135,6 mlrd. teńge ınvestısıa tartyldy. Onyń ishinde 117,5 mlrd. teńge - ishki, 18,1 mlrd. teńge - syrtqy ınvestısıalar. Bul týraly Almaty qalasynyń kásipkerlik jáne ınvestısıalar basqarmasynan málim etti, dep habarlaıdy Almaty-akshamy.kz QazAqparatqa silteme jasap.
Investısıalar úsh kózden: ınvestorlardyń jeke qarajattarynan – 95,6 mlrd. teńge (70,5%), qaryz qarajattarynan – 22,8 mlrd. teńge (16,8%), memlekettik búdjetten – 17,1 mln. teńge (12,7%) tartyldy.
Investısıanyń aıtarlyqtaı kólemi jyljymaıtyn múlikke – 73,3 mlrd. teńge (úlesi – 59,8%), kóterme jáne bólshek saýdaǵa – 11,2 mlrd. teńge (úlesi – 8,1%), ónerkásipke – 12,8 mlrd. teńge (úlesi – 8,9%) tartyldy.
Qazirgi ýaqytta, ınvestısıalar áleýmettik salaǵa, onyń ishinde, densaýlyq saqtaýdy, bilim berýdi jáne jappaı sportty damytýǵa belsendi túrde tartylýda. Atap aıtqanda, «Bıznestiń jol kartasy-2025» memlekettik baǵdarlamasy boıynsha Medeý aýdanyndaǵy jeke medısınalyq ortalyǵy qurylysynyń paıyzdyq mólsherlemesin sýbsıdıalaý qoldaý tapty. Jobaǵa 3 mlrd. teńgeden astam ınvestısıa salyndy, emhananyń ashylýy 2022 jylǵy sáýirge josparlanyp otyr.